سپورتتىڭ ايگىلىسى شاحمات پەن بوكستى كىم بىلمەيدى؟ بىراق شاحبوكستى ەستىگەندەر نەكەن-ساياق.
اتاۋىنان اڭعارعانىمىزداي, بۇل باسەكە شاحمات پەن بوكستىڭ قوسىندىسى. اتالعان ويىننىڭ كونتسەپتسياسى ەنكي بيلالدىڭ «Froid-Equateur» رومان-كوميكسىنە نەگىزدەلىپ جاسالعان. كەيىن يپە رۋبينگ بۇل قيالدى شىنايى ومىردە ىسكە اسىردى. جارىس بارىسى قالاي بولاتىنى كىم-كىمگە دە قىزىق شىعار؟ جالپى, ويىن 11 راۋندتان تۇرادى. تاق ساندى راۋندتاردا – قارسىلاستار شاحمات ويناپ, مي «جارىستىرسا», جۇپ ساندى راۋندتاردا قولعاپ ءتۇيىستىرىپ, فيزيكالىق كۇشتىڭ كومەگىنە جۇگىنەدى. جەڭىمپاز نوكاۋتقا نەمەسە مات قويۋعا بايلانىستى انىقتالادى.