ۆەنادا وتكەن فورۋم اياسىندا ەلىمىزدىڭ ۇلتتىق ەكونوميكا مينيسترلىگى مەن OPEC حالىقارالىق دامۋ قورى اراسىندا سەرىكتەستىك تۋرالى نەگىزدەمەلىك مەموراندۋمعا قول قويىلدى.
قور ءارتۇرلى ەكونوميكالىق سالالاردا تۇراقتى دامۋعا جانە جەكە سەكتور جوبالارىنا ينۆەستيتسيا سالۋدى جوسپارلاپ وتىر. جالپى, اراب ۇيلەستىرۋ توبىنىڭ قورى ءىرى ينفراقۇرىلىم جانە ونەركاسىپ جوبالارىن جۇزەگە اسىرۋعا ينۆەستيتسيالار تارتادى.
«يسلام دامۋ ينستيتۋتتارىنىڭ قارجىلاندىرۋ – حالىقارالىق كاپيتال نارىعىنداعى باسەكەگە قابىلەتتى شارتتار. سوندىقتان اراب ۇيلەستىرۋ توبىمەن ۇزاقمەرزىمدى ينۆەستيتسيالىق ىنتىماقتاستىق – ينۆەستيتسيالىق ساياساتىمىزدىڭ باسىم باعىتى», دەدى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ.