سەناتور مۇرات قادىربەك ساۋىقتىرۋ كۋرورتىنىڭ باسەكەلەستىك ورتاعا بەرىلۋىنە بايلانىستى ەل ازاماتتارى الاڭداۋشىلىق ءبىلدىرىپ وتىرعانىن جەتكىزدى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
دەپۋتاتتىڭ ايتۋىنشا, جىل سايىن شيپاجاي – دەمالۋ جانە ەمدەلۋ بويىنشا 20 000-عا دەيىن كەلۋشىلەردى قابىلدايدى, تۇرۋ قۇنى تاۋلىگىنە 14 000-نان 25 000 تەڭگەگە دەيىن قۇرايدى.
«قازىرگى كەزدە شيپاجايمەن قاتار سول اۋماقتا 50-دەن استام جەكەمەنشىك شيپاجايلار بار. ولاردىن قىزمەت كورسەتۋ باعاسى 40 000-120 000 تەڭگە اراسىندا, ياعني قاراپايىم حالىق ءۇشىن قولجەتىمسىز. «جەكەشەلەندىرۋدىڭ 2021-2025 جىلدارعا ارنالعان كەشەندى جوسپارىنا» سايكەس, شيپاجاي باسەكەلەستىك ورتاعا بەرۋگە ۇسىنىلعان ۇيىمداردىڭ تىزبەسىنە ەنگىزىلۋى – اۋىل تۇرعىندارىن قاتتى الاڭداتىپ وتىر. سەبەبى, ولار وسى شيپاجايدا قىزمەت اتقارىپ كەلەدى. ول جەكەشەلەندىرىلگەن جاعدايدا ساتىپ الۋشى پايدانى ۇلعايتۋ ماقساتىندا وڭتايلاندىرۋ جۇمىستارىن جۇرگىزۋى مۇمكىن. بۇل ءوز كەزەگىندە قاراپايىم قىزمەتكەرلەردىڭ قىسقارۋىنا الىپ كەلەدى», دەدى دەپۋتات.
سەناتور مۇرات قادىربەك وسىعان بايلانىستى ەلىمىزدىڭ پرەمەر-ءمينيسترى ولجاس بەكتەنوۆتەن شيپاجايدى جەكەشەلەندىرۋدىڭ كەشەندى جوسپارىنان شىعارۋعا جاردەمدەسۋدى سۇرادى.