ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ جۇرگىزۋشى كۋالىگىن الۋ ءۇشىن ونلاين ەمتيحان تاپسىرۋ ماسەلەسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىندە تالقىلانىپ جاتقانىن ايتتى, دەپ حابارلايدى Egemen.kz.
«قازىر ازاماتتاردىڭ ءارتۇرلى ايماقتاردان اۆتوسەرۆيس ورتالىقتارىنا بارماۋى ءۇشىن تەوريالىق جانە پراكتيكالىق ەمتيحانداردى قالاي ۇيىمداستىرۋ كەرەكتىگى تۋرالى سۇراقتار قاراستىرىلىپ جاتىر. تسيفرلاندىرۋ ءمينيسترى مۇنى قالاي جەڭىلدەتۋگە بولاتىنىن ويلاستىرىپ جاتقانىن ايتتى», دەدى م.قوجاەۆ سەنات وتىرىسىندا.
ونىڭ ايتۋىنشا, ەگەر جۇيە اشىق جانە باقىلاناتىن بولسا, ەشقانداي ماسەلە بولماۋى ءتيىس.
ء«بىز بەس جىلدان بەرى پراكتيكالىق تا, تەوريالىق تا ەمتيحان قابىلدامايمىز. ەگەر «تسيفرلاندىرۋ» جۇرگىزۋشى كۋالىگىن الۋ ۇشىن ىڭعايلى, باقىلاناتىن نارسەنى ەنگىزسە, ەگەر بۇل قاۋىپسىز, اشىق بولسا, ادامدار جول قاۋىپسىزدىگى تۋرالى بىلىمدەرىن كورسەتە ءالسا بىز قارسىلىق بىلدىرمەيمىز», دەدى ءمينيستردىڭ ورىنباسارى.
ەسكە سالا كەتەيىك, قازاقستاندا جۇرگىزۋشى كۋالىگىنە ەمتيحان تاپسىرۋ ەرەجەلەرى وزگەرۋى مۇمكىن. بۇل تۋرالى كەشە ماجىلىستە ىشكى ىستەر مينيسترلىگى مەن تسيفرلىق دەپارتامەنت وكىلدەرى مالىمدەدى.