ەرتەڭ نوسەر جاۋىپ, ەكپىندى جەل سوعادى

سينوپتيكتەردىڭ بولجامىنا قاراعاندا, الداعى تاۋلىكتەردە رەسپۋبليكانىڭ باسىم بولىگىندە, اسىرەسە باتىس جانە سولتۇستىك-باتىس وبلىستاردا قاتتى جاڭبىر جاۋادى, ودان بولەك بۇرشاق جاۋىپ, ەكپىندى جەل سوعادى دەپ كۇتىلەدى.

«ەرتەڭ, 27 ماۋسىمدا ەلدىڭ وڭتۇستىك-باتىسىندا جاڭبىر جاۋادى, سولتۇستىك-باتىستا جاڭبىرلى اۋا رايى 27-29 ماۋسىم ارالىعىندا ساقتالادى. 28-29 ماۋسىمدا ەلىمىزدىڭ باتىسى مەن سولتۇستىگى دە تسيكلوننىڭ ىقپالىندا بولادى. رەسپۋبليكانىڭ شىعىسىندا جانە سولتۇستىك-شىعىسىندا جاۋىن-شاشىن كۇتىلمەيدى», دەيدى سينوپتيكتەر.

ەرتەڭ قازاقستاننىڭ سولتۇستىك-باتىسىندا, 28-29 ماۋسىمدا ەلدىڭ وڭتۇستىگىندە جانە 29 ماۋسىمدا سولتۇستىك پەن ورتالىقتا اۋا تەمپەراتۋراسىنىڭ تومەندەۋى بولجانىپ وتىر. ەلىمىزدىڭ شىعىسى مەن وڭتۇستىك-شىعىسىندا اپتاپ ىستىق جالعاسادى, اۋا تەمپەراتۋراسى +40...+43 گرادۋسقا دەيىن كوتەرىلەدى.