«جاسىل ەل» جاساعى

وبلىستىق ىشكى ساياسات باسقارماسىنىڭ باس مامانى ايگەرىم قۇر­مانبەرليەۆانىڭ ايتۋىنشا, بيىل «جاسىل ەل» باعدارلاماسىنا قا­تىسۋ ءۇشىن 1 مىڭ 700 جاستان ءوتى­نىش تۇسكەن. ونىڭ ىشىندە 1 مىڭ جاس ىرىكتەلىپ الىنعان.

«بيىل تابيعي سيپاتتاعى تو­تەنشە جاعدايعا بايلانىستى «جاسىل ەل» جاستار جاساعىنىڭ كەزەكتى ەڭبەك ماۋسىمىن 12 ماۋسىمدا باستاۋ ۇيعارىلدى. وعان 16 مەن 35 جاس ارالىعىنداعى 1 مىڭ جاس قاتىسادى. بۇل جوبا اتى­راۋ قالاسىنىڭ اۋماعىنداعى 6 اۋىلدىق وكرۋگ پەن 7 اۋداندا ىسكە اسىرىلادى. جۇمىسپەن قامتىلعان جاستار كوگالداندىرۋ, اباتتاندىرۋ باعىتىنا قوسا قۇرىلىس سالاسىندا جۇمىس ىستەيدى. ماسەلەن, جىلىوي اۋدانىنان 140 جاس سۋ تاسقىنىنان زارداپ شەككەندەرگە سالىنىپ جاتقان تۇرعىن ءۇي قۇرىلىسىنا جانە كوگالداندىرۋ جۇمىستارىنا تارتىلادى», دەيدى ايگەرىم قۇرمانبەرليەۆا.

ونىڭ دەرەگىنە سۇيەنسەك, بيىل وبلىس بيۋدجەتىنەن «جاسىل ەل» جوباسىنا 110 ملن تەڭگەگە جۋىق قارجى ءبولىنىپ وتىر. بۇل قارجى ۇيىمداستىرۋشىلار مەن جۇمىسقا تارتىلعان جاستاردىڭ جالاقىسىن تولەۋگە, ءتۇرلى اكتسيا مەن سەنبىلىك وتكىزۋگە, ارنايى كيىم مەن ءتۇرلى قۇرال-سايمان الۋعا جۇمسالادى. ال قۇرىلىس سالاسىندا جۇمىسقا تارتىلعان جاستارعا بەرىلەتىن جالاقى – 85 مىڭ تەڭگە. بۇعان قوسىمشا قۇرىلىس كومپانيالارى تاراپىنان جاستارعا ءدال وسىنداي كولەمدە قارجى تولەنەدى.

اتىراۋ وبلىسى