قازاقستان رەسپۋبليكاسىنىڭ باس پروكۋراتۋراسى پرەزيدەنت تاپسىرماسى بويىنشا كيەۆتە قازاق جۋرناليسىنە جاسالعان قاستاندىققا قاتىستى تەرگەۋ امالدارىن باستادى, دەپ جازادى Egemen.kz.
18 ماۋسىم كۇنى «باسە» YouTube-ارناسىنىڭ اۆتورى ايدوس سادىقوۆقا بەلگىسىز بىرەۋ وق جاۋدىرعان ەدى.
قىلمىستىق ءىس بويىنشا تەرگەۋ-جەدەل توبى قۇرىلدى. قىلمىستى اشۋعا جانە كۇدىكتىلەردى ۇستاۋعا باعىتتالعان قاجەتتى جەدەل-ىزدەستىرۋ ءىس-شارالارى جۇرگىزىلەدى.
«كەشە قازاقستاننىڭ باس پروكۋرورى ۋكراينا باس پروكۋرورىنىڭ اتىنا وسى قىلمىستى اشۋعا بارىنشا تاجىريبەلى قازاقستاندىق تەرگەۋشىلەردى تارتا وتىرىپ, بارلىق كومەك كورسەتۋ تۋرالى ۇسىنىس جاساعان ەدى. باس پروكۋراتۋرا قىلمىستىق ءىستى تەرگەۋ بارىسىن ەرەكشە باقىلاۋعا الدى», دەلىنگەن باس پروكۋراتۋرا حابارلاماسىندا.