جاعاجايلارعا بەينەباقىلاۋ كامەرالارى ورناتىلادى. پرەمەر-مينيستر ولجاس بەكتەنوۆ اتالعان ماسەلەمەن اينالىسۋدى تاپسىردى, دەپ حابارلايدى Egemen.kz.
ەل بويىنشا 708 شومىلۋ ورنى بەلگىلەنگەن. سونىمەن قاتار سۋ ايدىندارىندا بالالار ءولىمىنىڭ كورسەتكىشى ارتىپ بارادى.
«قازگيدرومەت بولجاعانداي, بيىل جاز ىستىق بولادى. اسىرەسە, ەلدىڭ باتىسىندا, شىعىسىندا, وڭتۇستىگىندە, كولدەردە دەمالۋشىلار سانى ارتادى. بۇعان دايىن بولۋ كەرەك. جاعاجايلارعا باقىلاۋ كامەرالارى مەن ءتيىستى باعدارلامالىق قامتاماسىز ەتۋدى ورناتۋ ماسەلەسىن پىسىقتاۋ قاجەت», دەپ تاپسىردى ۇكىمەت باسشىسى.
سونداي-اق ول الماتى مەن پاۆلوداردا پيلوتتىق رەجيمدە سىنالعان ءجۇزۋ جانە باتىپ بارا جاتقانداردى ەرتە انىقتاۋ شەكارالارىن انىقتاۋعا مۇمكىندىك بەرەتىن قاشىقتىقتان مونيتورينگ جۇيەسىن مىسالعا كەلتىردى.
«وسىعان بايلانىستى وڭىرلەردىڭ اكىمدىكتەرى بۇل تاجىريبەنى زەردەلەپ, ونى پايدالانۋى قاجەت», دەپ تۇيىندەدى ولجاس بەكتەنوۆ.