ەكولوگيا فەستيۆالى

مازمۇندى ءىس-شارا بارىسىندا وقۋ­شىلار ەكولوگيا تاقىرىبىنا ارنالعان تاپسىرمالاردى ورىندادى. ماسەلەن, قالاداعى №72 مەكتەپ-ليتسەيدە الماتى اۋدانىنداعى 6 مەكتەپتىڭ 5-6-سىنىپ وقۋشىلارى ءوزارا باق سىناستى. «ەكولوگيا جانە جاسىل الەم» تاقىرىبىندا وتكەن ەكوسلەت ەكى كەزەڭنەن تۇردى. ءبىرىن­شى كەزەڭدە وقۋشىلار ەكولوگيا­لىق باعىتتاعى بىلىمدەرىن شىڭداسا, ەكىنشى كەزەڭ تۋريستىك باعىتتاعى تاپسىرمالارعا ارنالدى.

«بۇگىن «تازا قازاقستان» ەكو­لو­گيالىق اكتسياسى اياسىندا قالا­­لىق ءبىلىم باسقارماسىنىڭ ۇيىم­داستىرۋىمەن ەلورداداعى بار­لىق مەكتەپتە ءبىر ۋاقىتتا ەكوفەستيۆال ۇيىمداستىرىلدى. مۇنداي جيىن بالالاردىڭ ەكولو­گيا­لىق دۇنيەتانىمىنا جانە شى­عارماشىلىعىنا جاقسى اسەر ەتەدى. سونىمەن قاتار قورشاعان ور­تانى قورعاۋ تۋرالى كوزقاراسى قا­لىپتاسادى. جارىس تۇرىندە وتكى­زىلگەن ءىس-شارادا ۇزدىك ناتيجە كور­سەتكەن مەكتەپ وقۋشىلارىنا ديپ­لوم تابىستالىپ, ءتاتتى سىيلىقتار بەرىلدى», دەدى استانا اكىمدىگى با­لا­لار مەن جاسوسپىرىمدەردىڭ تۋ­ريزم جانە ولكەتانۋ ورتالىعى دي­رەك­­تو­رىنىڭ مىندەتىن اتقارۋشى اسلان كەنجەعاليەۆ.

№72 مەكتەپ-ليتسەيى ديرەكتورى­نىڭ تاربيە ءىسى جونىندەگى ورىنباسارى جانار كوپباەۆانىڭ ايتۋىن­شا, اتالعان ءبىلىم ورداسىندا ەكو­لوگيالىق باعىتتا ءتۇرلى ءىس-شارالار ءجيى وتەدى ەكەن.

ء«بىزدىڭ مەكتەبىمىزدىڭ وقۋشى­لارى قالدىقتاردى سۇرىپتاۋ, مەك­تەپ اۋماعىن كوگالداندىرۋ جۇ­مىستارىنا بەلسەنە اتسالىسادى. جىل سايىن ءساۋىر-مامىر ايلارىندا ەكولوگيالىق ايلىق وتكىزەمىز. ءار اپتانىڭ تاقىرىپتىق اتاۋىن بەكىتەمىز. مىسالى, «تازارۋ» اپتا­لىعىندا وقۋشىلارمەن بىرگە مەكتەپ پەن تۇرعىن ۇيلەردىڭ اۋلالا­رىن تازارتامىز. بۇدان بولەك, «وت­­باسىمەن بىرگە اعاش ەك» اتتى اپ­تالىق بار. وندا وقۋشىلار ءوز وتباسىمەن بىرگە مەكتەپ اۋلاسىنا اعاش وتىرعىزادى. ال بۇگىنگى فەستيۆال­عا مەكتەپ جانىنداعى لاگەرگە كە­لىپ جۇرگەن بالالار قاتىستى. بىز­دە بيىل سپورتتىق لاگەرگە 100-گە جۋىق, ال ءپروفيلدى لاگەرگە 315 بالا قاتىسىپ جاتىر. سونىمەن قاتار باستاۋىش سىنىپ وقۋشىلارىنا ارنالعان «بالدىرعان» لاگەرىنىڭ ءبىرىنشى كەزەڭىندە 357 بالا بار. سونداي-اق بالالار فۋتبول جانە ۆولەيبولدان تەگىن ۇيىرمەلەرگە قاتىسادى», دەدى ول.