«قويانداردى» قۇرىقتايتىن قۇرىلعى

جاقىن كۇندەرى استانا قالا­سىندا ءدال وسىنداي تاعى ءبىر اقىلدى جۇيە ىسكە قوسىلماق. بۇل بەينەكامەرانىڭ ەرەكشە­لى­گى قانداي دەسەڭىز, ول  قوعام­دىق كولىكتەردە جول اقىسىن تولە­مەگەندەردى, ياعني «قوياندار­دى» لەزدە انىقتاي الادى. «City Transportation Systems» جاۋاپ­كەرشىلىگى شەكتەۋلى سەرىك­تەس­تىگى «استانا قالاسىنىڭ قوعام­دىق كولىگىندەگى بەينەاناليتيكا جۇيەسى» اتتى يننوۆاتسيالىق جوباسىن ەنگىزبەكشى. بۇل جۇيەنىڭ  ماقساتى – جولاۋشىلارعا قىز­مەت كورسەتۋ ساپاسىن جاقسارتۋ, جولاقىسىن تولەۋدەن جالتاراتىندار سانىن ازايتۋ, سونداي-اق قوعامدىق كولىكتەردەگى قاۋىپ­سىزدىكتى ارتتىرۋ.

جوبانىڭ قاناتقاقتى كە­زە­ڭى اياسىندا 2 مامىردان باس­تاپ №24 اۆتوبۋسىندا ناقتى ۋاقىت رەجىمىندە دەرەكتەردى تالدايتىن بەينەكامەرالار, روۋتەرلەر مەن بورتتىق كومپيۋتەر ورناتىلعان. ءار ەسىككە قاراما-قارسى ورنا­لاس­قان بەينەكامەرالار كىرگەن جولاۋشىلاردى ەسەپتەيدى, سون­داي-اق تولەم دەرەكتەرىن سالىس­تىرادى. سودان سوڭ اقپارات جەدەل تۇردە «City Transportation Systems»-ءتىڭ كولىكتىك باقىلاۋ دەپارتامەنتىنە جولدانادى.

ايتا كەتەيىك, جاڭا بەينەبا­قىلاۋ ىسكە قوسىلعان كۇن­نەن باس­تاپ ءبىر عانا اۆتوبۋستىڭ وزىن­­دە بيلەتسىز جول ءجۇرۋدىڭ ەكى مىڭ­نان استام جاعدايى تىر­كەل­گەن. بۇل قاناتقاقتى جوبا بولعان­دىق­تان, جولاۋشىلارعا ايىپ­پۇل سالىنباعان.