اتىراۋ وبلىسىندا ەكى كولىك سوقتىعىسىپ, سالدارىنان 2 ادام قايتىس بولدى. جول اپاتىنان قايتىس بولعانداردىڭ ەرلى-زايىپتى ەكەنى بەلگىلى بولدى. بۇل تۋرالى اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتتى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, جول كولىك وقيعاسى 12 ماۋسىم كۇنى بولعان.
«كۇندىزگى ساعات 14:50 شاماسىندا اتىراۋ-اقتوبە تاسجولىنىڭ 454-شاقىرىمى تۇسىندا ەكى كولىك سوقتىعىستى. جول اپاتىنا ۇشىراعان كولىكتىڭ ءبىرى – Kia Rio, ەكىنشىسى – DAF جۇك كولىگى. جول-كولىك وقيعاسىنىڭ سالدارىنان Kia Rio اۆتوكولىگىنىڭ ەكى جولاۋشىسى وقيعا ورنىندا قازا تاپتى», دەلىنگەن حابارلامادا.
جول اپاتىنا بايلانىستى پوليتسيا قىزمەتكەرلەرى جول-كولىك وقيعاسىنا بايلانىستى ءتيىستى ءىس قۇجاتتارىن جيناقتاۋعا كىرىستى.
«مۇنداي جول-كولىك وقيعاسىنىڭ باستى سەبەبى ارنايى ەرەجەنى ساقتاماۋدان تۋىندايدى. اتالعان جول-كولىك وقيعاسى تۋرالى ايتاتىن بولساق, Kia Rio اۆتوكولىگىنىڭ جۇرگىزۋشىسى سوڭعى 1 جىل ىشىندە 4 رەت جىلدامدىقتى اسىرىپ, جول ەرەجەسىن بۇزعانى انىقتالدى. وسىنداي سەبەپكە بايلانىستى كولىك جۇرگىزۋشىلەرىنەن جول ەرەجەسىن قاتاڭ ساقتاۋدى سۇرايمىز», دەلىنگەن پد مالىمەتىندە.