قارجى مينيسترلىگى ازاماتتاردىڭ دەنساۋلىعىن ساقتاۋ ماقساتىندا تەمەكىنى 6,5 پايىزعا قىمباتتاتپاق. بۇيرىق اشىق نقا پورتالىندا جاريالاندى, دەپ جازادى Egemen.kz.
ۇلتتىق ستاتيستيكا بيۋروسى جۇرگىزگەن زەرتتەۋگە سايكەس, وتكەن جىلى 29 بەن 39 جاستاعى ازاماتتاردىڭ اراسىندا شىلىم شەگەتىندەر كوبەيگەن. سونداي-اق قازاقستانداعى اربىر بەسىنشى ادام تەمەكى تارتاتىنى انىقتالدى.
قازاقستاندا 1 شىلدەدەن باستاپ ەڭ ارزان تەمەكى 820 تەڭگەدەن ساتىلادى, بۇل قازىرگى باعادان 50 تەڭگەگە قىمبات.
سوڭعى جارتى جىلدا شىلىم باعاسى 16 - 18,8 پايىزعا ارتقان. ال بيىلعى جىلدىڭ العاشقى توقسانىندا تەمەكى مەن پاپيروستىڭ باعاسى 53,4 پايىزعا ارتقان. الايدا ەلدە تەمەكىگە تاۋەلدى ازاماتتاردىڭ سانى ازايماي تۇر.
بىلتىر پاپيروستىڭ ىشكى نارىقتاعى كولەمى 62 پايىزعا كوبەيگەن. ال بيىلعى جىلدىڭ العاشقى ءۇش ايىندا ەل ازاماتتارى تەمەكىگە 5,7 ميلليارد تەڭگە قارجى جۇمساعان.