تسيفرلىق قۇجاتتاردىڭ قاتارى نەگىزگى ورتا جانە جالپى ورتا ءبىلىم تۋرالى اتتەستاتپەن تولىقتى. ول ەندى eGovMobile ءموبيلدى قوسىمشاسىنداعى «Bilim» جاڭا قىزمەت كورسەتۋ سەرۆيسىندە قولجەتىمدى, دەپ حابارلايدى Egemen.kz.
وقۋ-اعارتۋ مينيسترلىگىنىڭ مالىمەتىنشە وسى جىلدان باستاپ مەكتەپ تۇلەكتەرى اتتەستاتتارىن تسيفرلىق نۇسقادا الا باستايدى.
«اتتەستاتتى الۋ ءۇشىن eGovMobile ءموبيلدى قوسىمشاسىنداعى «Bilim» سەرۆيسىنە ءوتۋ كەرەك. مۇندا «مەنىڭ بالالارىم» بولىمىندە اتا-انالار مەن زاڭدى وكىلدەرى ءۇشىن كامەلەتكە تولماعان بالالاردىڭ قۇجاتتارى قولجەتىمدى بولادى», دەيدى تسيفرلاندىرۋ دەپارتامەنتى ديرەكتورىنىڭ مىندەتىن اتقارۋشى مايرا مارالباەۆا.ەستەرىڭىزگە سالا كەتەيىك, وسىدان ءبىر اي بۇرىن وقۋ-اعارتۋ مينيسترلىگى eGovMobile ءموبيلدى قوسىمشاسىندا «Bilim» جاڭا سەرۆيسىن ىسكە قوسقان بولاتىن. مۇندا ءبىلىم تۋرالى مالىمەتتەر, تسيفرلىق قۇجاتتار بەرىلگەن بىرنەشە ءبولىم بار. ال ءبىر جىل بۇرىن قوسىمشادا كوللەدج ديپلومدارى QR-كودپەن بەرىلە باستادى.