الماتى وبلىسىندا دۇكەنگە بالمۇزداق الۋعا شىققان ءبىر ءۇيدىڭ ەكى قىزىن كولىك قاعىپ كەتتى, دەپ حابارلايدى Egemen.kz.
كتك ارناسىنىڭ حابارلاۋىنشا, 14 جاستاعى قىز بەن ونىڭ 4 جاسار ءسىڭلىسى جاياۋ جۇرگىنشىلەرگە تيەسىلى ەمەس تۇستان جولدىڭ ارعى بەتىنە وتپەكشى بولعان. الايدا قاتتى جىلدامدىقپەن كەلە جاتقان كولىك بالالاردى قاعىپ كەتكەن. وقيعا كەشقۇرىم ۋاقىتتا بولعان.
كۋاگەرلەر دەرەۋ جەدەل جاردەم شاقىرىپ, العاشقى كومەك كورسەتكەنىمەن, قىزدار وقيعا ورنىندا جان تاپسىردى.
الماتى وبلىسى دپ رەسمي وكىلى مەرۋەرت مورياكوۆا اپات سالدارىنان كامەلەتكە تولماعانداردىڭ ەكەۋى دە وقيعا ورنىندا مەرت بولعانىن جەتكىزدى. كولىك جۇرگىزۋشىسى ۋاقىتشا ۇستاۋ يزولياتورىنا قامالدى. وقيعا بويىنشا قاجەتتى ساراپتامالار تاعايىندالىپ, قىلمىستىق ءىس قوزعالدى.