جاقىندا استانا قالاسىندا «قازاقستاندا ەكولوگيالىق ءبىلىم بەرۋدى ىلگەرىلەتۋ» اتتى كونفەرەنتسيا ءوتتى. وعان مەملەكەتتىك مەكەمەلەر وكىلدەرى, عالىمدار, ەكولوگتەر جانە مەكتەپ ديرەكتورلارى قاتىستى. ءىس-شارادا ەكولوگيالىق قاۋىپسىزدىكتىڭ وزەكتى ماسەلەلەرى تالقىلاندى. سونداي-اق جيىن اياسىندا «ەكومەكتەپ» يننوۆاتسيالىق ءبىلىم بەرۋ كۋرسى ىسكە قوسىلدى.
بۇل مادەنيەت جانە اقپارات مينيسترلىگى مەن «ازاماتتىق قولداۋ ورتالىعىنىڭ» قولداۋىمەن قازاقستان ەكولوگيالىق قورىنىڭ «ەكولوگيالىق مادەنيەتتى ارتتىرۋ جانە جاستار مەن بالالار ءۇشىن قولايلى ەكولوگيالىق جاعداي جاساۋ جونىندەگى كەشەندى شارالار» جوباسى اياسىندا جۇزەگە استى.
ەكومەكتەپ – 1-4 جانە 5-9 سىنىپ وقۋشىلارىنا ازىرلەنگەن كىتاپ. بۇل جيناق ەكولوگيالىق ءبىلىمدى ناسيحاتتايدى. مۇندا قورشاعان ورتا تۋرالى ءتۇرلى تۇجىرىمدامالار تارتىمدى جازىلعان. سونداي-اق ستۋدەنتتەرگە تۇراقتى ءومىر سالتىن ۇستانۋ ءۇشىن تاجىريبەلىك كەڭەستەر مەن نۇسقاۋلار ۇسىنادى.
قازاقستان ەكولوگيالىق قورىنىڭ جەتەكشىسى ايگۇل ابدۋاليەۆانىڭ ايتۋىنشا, ەكومەكتەپ – جاستاردى قورشاعان ورتا ماسەلەلەرىنە تارتۋعا باعىتتالعان ماڭىزدى قادام.
«ەكومەكتەپتىڭ ماقساتى – وقىرمانداردى ءىس-ارەكەتكە ىنتالاندىرۋ. بۇل كىتاپ اقپارات بەرىپ قانا قويمايدى, سونىمەن قاتار قورشاعان ورتانى قورعاۋعا ۇندەيدى. ەكولوگيالىق تۇراقتى ءومىر سالتىن وزگەرتۋگە كومەكتەسەتىن كەڭەس بەرەدى. ءبىزدىڭ ءاربىر كىشكەنتاي ءىس-ارەكەتىمىز پلانەتامىز ءۇشىن ۇلكەن وزگەرىس اكەلۋى مۇمكىن», دەدى ول.
اقبوتا بەلدەۋحانقىزى,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 2-كۋرس ستۋدەنتى