نەمىس تىلىندەگى «Spielbergata» I حالىقارالىق تەاتر فەستيۆالى 2024 جىلدىڭ مامىر ايىنىڭ سوڭىندا الماتىداعى مەملەكەتتىك اكادەميالىق نەمىس دراما تەاترىندا, قازاقستانداعى نەمىس ەتنوسىن قولداۋ باعدارلاماسى اياسىندا گەرمانيا فەدەراتيۆتىك رەسپۋبليكاسىنىڭ ىشكى ىستەر جانە كەشەندى دامۋ مينيسترلىگىنىڭ قارجىلىق قولداۋىمەن ءوتتى. فەستيۆال قازاقستانداعى نەمىس قوزعالىسىنىڭ 35 جىلدىعىنا, سونداي-اق قازاقستانداعى بەلگەر جىلىنا وراي ۇيىمداستىرىلدى, دەپ حابارلايدى Egemen.kz.
فەستيۆال جاستاردىڭ تەاترعا, نەمىس دراماتۋرگياسىنا جانە نەمىس تىلىندەگى شىعارمالارعا دەگەن قىزىعۋشىلىعىن قولداۋعا, قولدا بار قويىلىمداردى كورسەتۋگە, سونداي-اق قاتىسۋشىلاردى جاڭا نارسەلەرگە ۇيرەتۋگە ارنالعان. فەستيۆالدە قازاقستان, وزبەكستان جانە پولشانىڭ ءتۇرلى قالالارىنىڭ كوركەمونەرپازدار تەاتر ۇجىمدارى نەمىس تىلىندە قويعان نەمىس ەتنيكالىق توبىنىڭ تاريحى مەن مادەنيەتى تۋرالى سپەكتاكلدەر قويدى. نەمىس مادەنيەتىنىڭ ءداستۇرلى جانرلارىنىڭ ءبىرى - ديالەكتىلەردەگى شۆانكتارعا نەگىزدەلگەن ەسكيزدەر ەرەكشە نازار اۋدارتتى.
جوبا الماتى قالاسىنداعى نەمىس تەاترىندا ءوتتى, ول ءالى دە جوعارى كوركەمدىك جانە زاماناۋي, ورتالىق ازياداعى ەۋروپالىق مادەنيەتتىڭ ەرەكشە ارالى بولۋعا ۇمتىلاتىن كاسىبي تەاتر بولىپ قالا بەرەدى. بۇل رەتتە قازاقستاننىڭ تەاتر قاۋىمداستىعىندا نەمىس تەاترى ەكسپەريمەنتالدى, جاڭاشىل, «شەكارالاردى وشىرەتىن» اتاققا يە.
فەستيۆال اياسىندا كاسىبي قۇزىرەتتىلىگىن ارتتىرۋ ماقساتىندا اكتەرلەر ءۇشىن تەاتر تاقىرىپتارى بويىنشا شەبەرلىك ساباقتارى, ترەنينگتەر مەن يمپروۆيزاتسيا ويىندارى وتكىزىلدى.
ءىس-شارانىڭ قۇرمەتتى قوناعى بۋندەستاگ دەپۋتاتى, گەرمانيا فەدەرالدىق ۇكىمەتىنىڭ يمميگرانتتار مەن ۇلتتىق ازشىلىقتار ىستەرى جونىندەگى كوميسسارى ناتالي پاۆليك بولدى. فەستيۆالدىڭ باستى وقيعالارى تەاترلاندىرىلعان قويىلىمداردىڭ پرەمەرالارى, اكتەرلىك شەبەرلىك ساباقتارىنىڭ ناتيجەلەرى جانە ۇزدىك قاتىسۋشىلاردى ماراپاتتاۋ. قازىلار القاسىنىڭ قورىتىندىسى بويىنشا ءتۇرلى نوميناتسيالار بويىنشا جەڭىمپازدار انىقتالدى. 2024 جىلعى نەمىس تىلىندەگى ءبىرىنشى حالىقارالىق تەاتر فەستيۆالىنىڭ ۇزدىك قويىلىمى قازاقستاننىڭ كوكشەتاۋ قالاسىنداعى «Theater Zodiak» تەاتر-ستۋدياسىنىڭ قويىلىمى بولدى.
قوناقتار مەن قاتىسۋشىلار ءبىراۋىزدان فەستيۆال سەرىكتەستىكتىڭ قالىپتاسۋىنا, ەڭ باستىسى, ۇجىمداردىڭ ءبىرتۇتاس تەاتر كەڭىستىگىن قۇرۋعا ىقپال ەتتى دەگەن پىكىردە بولدى. بۇل ءوز كەزەگىندە دارىندى جاستاردىڭ بىرلەسكەن شىعارماشىلىق ءىس-ارەكەتىن جۇزەگە اسىرۋىنا جانە ونەر كوكجيەگىن كەڭەيتۋگە ەلەۋلى قولداۋ كورسەتۋگە مۇمكىندىك بەرەدى. بىرلەسكەن شىعارماشىلىق جوبالاردى جاساۋ زاماناۋي تەاتر ونەرىنە نازار اۋدارارى ءسوزسىز.
قىرمىزى جۇماعاليقىزى,
ەۇۋ ستۋدەنتى