بيىل سۋ تاسقىنىنان زارداپ شەككەن جىلىوي اۋدانىندا 617 تۇلەك ۇبت تاپسىرۋعا ءوتىنىم بەرگەن, دەپ جازادى Egemen.kz.
بۇل تۋرالى جىلىوي اۋداندىق ءبىلىم ءبولىمىنىڭ باسشىسى گۇلجانسارا تاڭاتاروۆا مالىمدەدى.
«جىلىوي اۋدانى بويىنشا 20 جالپى ءبىلىم بەرۋ مەكتەبى بار. بيىل 684 تۇلەك ون ءبىرىنشى سىنىپتى اياقتاپ وتىر. ونىڭ ىشىندە 617 تۇلەك ۇبت-عا قاتىسۋعا ءوتىنىم بەردى. تۇلەكتەر قازىرگى ۋاقىتتا مەملەكەتتىك ەمتيحاندار تاپسىرىپ جاتىر. ءبىر تۇلەك دەنساۋلىعىنا بايلانىستى اتىراۋ وبلىستىق ءبىلىم بەرۋ باسقارماسىنىڭ بۇيرىعىمەن مەملەكەتتىك ەمتيحاننان بوساتىلدى», دەدى جىلىوي اۋداندىق ءبىلىم ءبولىمىنىڭ باسشىسى.
سونداي-اق جىلىوي اۋدانى بويىنشا 9 سىنىپتى اياقتاعان وقۋشىلاردىڭ 30 پايىزى ارى قاراي كوللەدجدەردە ءبىلىم الۋدى شەشكەن.
«بيىل جىلىوي اۋدانى بويىنشا 1606 وقۋشى 9 سىنىپتى بىتىرەدى. قازىرگى ۋاقىتتا بۇل سىنىپتى بىتىرگەن وقۋشىلار دا مەملەكەتتىك ەمتيحان تاپسىرىپ جاتىر», دەدى گۇلجانسارا تاڭاتاروۆا.