ءماجىلىس سپيكەرى ەرلان قوشانوۆ قازاقستانعا رەسمي ساپارمەن كەلگەن مىسىر اراب رەسپۋبليكاسى پارلامەنتى سەناتىنىڭ توراعاسى ابدەلۋاحاب ابدەلرازەقپەن كەزدەستى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
تاراپتار ەكىجاقتى ىنتىماقتاستىقتى ارتتىرۋ, سونىڭ ىشىندە پارلامەنتارالىق بايلانىستى تەرەڭدەتۋ ماسەلەسىن تالقىلادى.
ەرلان قوشانوۆ قازاقستان مەن مىسىر اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولعانىن اتاپ ءوتتى.
«وسى ۋاقىت ىشىندە ەكى ەل اراسىندا تىعىز ىنتىماقتاستىق ورنادى. بۇل ەڭ اۋەلى ءبىزدىڭ كوشباسشىلارىمىز – قاسىم-جومارت توقاەۆ پەن ابدەل فاتتاح اس-ءسيسيدىڭ ەرەن ەڭبەگىنىڭ ارقاسىندا دەپ بىلەمىن. الداعى ۋاقىتتا دا ەكى ەل باسشىلارىنىڭ ارىپتەستىكتى كۇشەيتۋگە باعىتتالعان جۇمىسىن ءبىز پارلامەنت دەڭگەيىندە جالعاستىراتىن بولامىز», دەدى ءماجىلىس توراعاسى.پالاتا سپيكەرى قاسىم-جومارت توقاەۆتىڭ باستاماسىمەن ەلىمىزدە جۇرگىزىلىپ جاتقان اۋقىمدى ساياسي, ەكونوميكالىق رەفورمالار تۋرالى ايتىپ, ءماجىلىستىڭ زاڭ شىعارۋ قىزمەتىنە توقتالدى.
تاراپتار ەكى ەل دەپۋتاتتارى دوستىق توپتارىنىڭ جۇمىسىن جانداندىرۋعا كەلىستى.
وسى ورايدا ەرلان قوشانوۆ زاڭناما سالاسىندا تاجىريبە الماسىپ, ەكى ەلدىڭ شارتتىق-قۇقىقتىق بازاسىن كەڭەيتۋگە, اتاپ ايتقاندا, قازاقستان مەن مىسىر اراسىنداعى ۇستاپ بەرۋ, قىلمىستىق ىستەر بويىنشا ءوزارا قۇقىقتىق كومەك جانە سوتتالعان ادامداردى بەرۋ تۋرالى شارتتارعا قول قويۋدىڭ ماڭىزدىلىعىنا نازار اۋداردى.
ءوز كەزەگىندە ابدەلۋاحاب ابدەلرازەق قازاقستاندا جۇرگىزىلىپ جاتقان ساياسي جانە ەكونوميكالىق رەفورمالاردى تولىق قولدايتىنىن ايتتى.
ء«بىزدىڭ ماقساتىمىز – ەكى ەل پارلامەنتتەرى اراسىنداعى ىنتىماقتاستىقتى نىعايتۋ. سونىمەن قاتار الەۋمەتتىك, ەكونوميكالىق جانە ساياسي بايلانىستاردى ارتتىرۋدى كوزدەيمىز. ەكى ەل كوشباسشىلارى دا ىقپالداستىقتى ودان ءارى كۇشەيتۋگە نيەتتى. بۇگىن قازاقستان پرەزيدەنتىمەن كەزدەسۋ ءبىز ءۇشىن زور مارتەبە بولدى», دەدى مىسىر سەناتىنىڭ توراعاسى ابدەلۋاحاب ابدەلرازەق.وتىرىس بارىسىندا تاراپتار ساۋدا-ەكونوميكالىق, كولىك-ترانزيت, تۋريزم سالاسى مەن مادەني-گۋمانيتارلىق سالاداعى ىنتىماقتاستىق ماسەلەلەرىن دە تالقىلادى.
جيىن سوڭىندا ەرلان قوشانوۆ مىسىر سەناتى توراعاسىنىڭ رەسمي ساپارى ەلدەر اراسىنداعى ساياسي ديالوگتى نىعايتىپ, پارلامەنتارالىق ىنتىماقتاستىقتى ودان ءارى دامىتۋعا تىڭ سەرپىن بەرەتىنىنە سەنىم ءبىلدىردى.