وقۋ-اعارتۋ مينيسترلىگى 2024-2025 وقۋ جىلىنىڭ باستالۋى مەن اياقتالۋ مەرزىمىن, سونداي-اق ءبىلىم الۋشىلاردى قورىتىندى اتتەستاتتاۋدان وتكىزۋ مەرزىمىن انىقتاۋ تۋرالى بۇيرىق جوباسىن قوعامدىق تالقىلاۋعا ۇسىندى, دەپ جازادى Egemen.kz.
«اشىق» نقا پورتالىندا جاريالانعان قۇجاتقا سايكەس جاڭا وقۋ جىلى 2024 جىلدىڭ 1 قىركۇيەگى مەن 2025 جىلدىڭ 25 مامىر ارالىعىن قامتيدى.
ءبىرىنشى توقسان سەگىز وقۋ اپتاسىنا سوزىلادى. كۇزگى كانيكۋل 28 قازان - 3 قاراشاعا دەيىن جەتى كۇن بولادى.
ەكىنشى توقسان – سەگىز وقۋ اپتاسىن قۇرايدى. قىسقى دەمالىس 2024 جىلدىڭ 30 جەلتوقسانىنان 2025 جىلدىڭ 8 قاڭتارىن قوسا العاندا - 10 كۇن.
ءۇشىنشى توقسان دا 10 وقۋ اپتاسىنا جالعاسادى. وقۋشىلار كوكتەمگى كانيكۋلدا 2025 جىلعى 21 ناۋرىز بەن 31 ناۋرىز ارالىعىندا, 11 كۇن دەمالادى.
ايتا كەتەيىك, جاڭا وقۋ جىلىندا مەكتەپ تابالدىرىعىن اتتايتىن ءبىرىنشى سىنىپ وقۋشىلارىنا قوسىمشا 7 كۇن دەمالىس بەرىلەدى. بۇل كانيكۋل 2025 جىلعى 3 اقپاننان 9 اقپان ارالىعىنا جوسپارلانعان.
ءتورتىنشى توقسان – سەگىز وقۋ اپتاسىن قۇرايدى.
9-10 سىنىپ وقۋشىلارى ءۇشىن ءبىتىرۋ ەمتيحاندارى 29 مامىر مەن 9 ماۋسىم ارالىعىندا, 11-12 سىنىپ وقۋشىلارى ءۇشىن ەمتيحان 30 مامىر مەن 12 ماۋسىم ارالىعىندا وتەدى.
بۇيرىق جوباسى 18 ماۋسىمعا دەيىن قوعامدىق تالقىلاۋدا بولادى.