ماگيستراتۋراعا قۇجات قابىلداۋ باستالادى

ۇلتتىق تەستىلەۋ ورتالىعىنىڭ حابار­­لاۋىنشا, تىركەلۋ كەزىندە تالاپكەر تەس­تىلەۋدى تاپسىراتىن قالانى ءوزى تاڭدايدى. ۇمىتكەرلەر وتىنىشتەردى قابىلداۋ مەر­زىمى اياقتالعانعا دەيىن (8 شىلدەگە دە­يىن) ءبىلىم باعدارلامالارىنىڭ توبى, ءتىلى جانە تەستىلەۋدى تاپسىرۋ ورنى بويىنشا وتى­نىشكە وزگەرىستەر ەنگىزە الادى. تالاپ­كەر تەستىلەۋدىڭ وتەتىن كۇنى تۋرالى اقپارات­تى جەكە كابينەتىنەن 13 شىلدەدە كورە الادى. عىلىمي-پەداگوگيكالىق ماگيستراتۋرا­عا ءتۇسۋ ءۇشىن كەشەندى تەستىلەۋ ەلەكترون­دى فورماتتا وتكىزىلەدى جانە ءۇش بولىم­نەن تۇرادى: شەت ءتىلى بويىنشا تەست, وقۋعا دا­يىن­دىعىن انىقتاۋعا ارنالعان تەست جانە ءبىلىم باعدارلامالارى توبىنىڭ بەيىنى بويىنشا تەست. بارلىعىنا 3 ساعات 55 مينۋت بە­رىلەدى. شەكتى ۇپاي – 75.

ال شىعارماشىلىق مامان­دىقتار بويىنشا بەيىندى ما­گيستراتۋراعا ۇمىت­تى­لەردەن قۇ­جات قابىلداۋ 1 ماۋسىم مەن ­8 شىل­دە ارالىعىندا جوعارى جانە (نە­­مە­سە) جوعارى وقۋ ورنى­نان كەيىنگى ءبىلىم ­­بە­رۋ ۇيىمدارىن­دا جۇزەگە اسىرىلادى.

بيىل بەيىندى ماگيستراتۋراعا ءتۇسۋ ەرە­جەلەرىنە وزگەرىس ەنگى­زىل­دى. ەندى بەيىندى ماگيستراتۋرا­عا تۇسۋگە نيەتتىلەر «وقۋعا دايىندىعىن انىقتاۋعا ارنال­عان تەست» بولىمىنەن بوساتىلدى. وسىلايشا, ولار تەك ءبىلىم بەرۋ باعدارلامالارى توبىنىڭ بەيىنى بويىنشا تەست تاپسىرادى. شەكتى ۇپاي كەمىندە 30, ونىڭ ىشىندە ءاربىر بەيىندى ءپان بويىنشا كەمىندە 7 ۇپايدى قۇرايدى. سونداي-اق باسشى لاۋازىمىن­دا كەمىندە 5 جىل ءوتىلى بار نەمەسە ءبىلىم بە­رۋ باعدارلاماسىنىڭ بەيىنىنە ساي­­كەس ماماندىعى بويىنشا كەمىندە 10 جىل ەڭ­بەك ءوتىلى بار تۇلعالار بەيىندى ما­گيسترا­­تۋراعا اقىلى نەگىزدە اڭگىمەلەسۋ ناتيجەلەرى بويىنشا قابىلدانادى. كە­شەن­دى تەستىلەۋ ناتيجەلەرىمەن كەلىس­پەگەن جاعدايدا تالاپكەر تەستىلەۋ اياق­تالعاننان كەيىن ونلاين اپەللياتسياعا بەرە الادى.

ماگيستراتۋراعا تۇسۋشىلەر 13 مىڭعا جۋىق ءبىلىم بەرۋ گران­تىنا ۇمىتكەر بولا الادى. وسى­عان دەيىنگى ماتەريالىمىزدا جاز­عانىمىزداي, ماگيستراتۋرادا وقۋ­عا بولىنگەن گرانتتار تىزىمىنە كەلسەك, «ينجەنەرلىك, وڭدەۋ جانە قۇرىلىس» سالالارى بويىنشا ماماندىقتارعا ەڭ كوپ گرانت (3227) بولىنگەن. ودان كەيىنگى رەت­تە «پەداگوگيكا عىلىمدارى» باعى­تى بويىنشا ماماندىقتار (3347) قاراستىرىلعان. «جاراتىلىس­تانۋ عىلىمدارى, ماتەماتيكا جانە ستاتيستيكا» سالالارىنداعى ماماندىقتارعا – 1265, «اقپا­رات­تىق-كوممۋنيكاتسيالىق تەحنولوگيالار» سالا­لارىنداعى ما­ماندىقتارعا 1235 گرانت ءبولىندى. ال ەڭ از گرانت بولىنگەنى – «دەن­ساۋلىق ساقتاۋ جانە الەۋمەتتىك قامتا­ماسىز ەتۋ» (225), «قىزمەت كورسەتۋ» (315) سالالارىنداعى ما­ماندىقتار.