جەتىسۋ وبلىسى بويىنشا «قازسۋشار» فيليالى اقسۋ, الاكول, پانفيلوۆ, كوكسۋ, ەسكەلدى اۋداندارىندا 6 جاڭا سۋ قويماسىن سالۋ جۇمىسىن جۇرگىزىپ جاتىر, دەپ حابارلايدى Egemen.kz.
سۋ رەسۋرستارى جانە يرريگاتسيا مينيسترلىگىنىڭ حابارلاۋىنشا, بۇل – سۋمەن قامتاماسىز ەتىلگەن ەگىس القاپتارىنىڭ كولەمىن ۇلعايتۋعا جانە ترانسشەكارالىق وزەندەرگە تاۋەلدىلىكتى ازايتۋعا مۇمكىندىك بەرەدى. قازىرگى ۋاقىتتا فيليال قاراماعىندا 4 سۋ قويماسى بار.
ال قاراتال اۋدانىندا سۋارۋ كانالدارىن جوندەۋ جۇمىستارى جالعاستىرىلىپ جاتىر, ماسەلەن كۇشىك-قالپە ماگيسترالدىق كانالىندا ۇزىندىعى 7 شاقىرىم ۋچاسكە مەحانيكالىق ادىسپەن تازالانىپ, بەتونداۋ, دانەكەرلەۋ جۇمىستارى, سونداي-اق گيدروتەحنيكالىق قۇرىلىستار مەن گيدروبەكەتتەردى جوندەۋ جۇرگىزىلدى.