جاسىل جەلەككە بولەندى

ەل ۇلكەندەرى مەن جاس­تار ەلدى مەكەندەردى كوگال­دان­دىرۋعا جەر­لەستەرىن شا­قىرا وتىرىپ, الداعى ۋاقىت­تا اعاش ەگۋ يگى داستۇرگە اينالسا دە­گەن نيەتىن جەتكىزدى. ۇيىم­داس­تىرۋ­شىلاردىڭ ايتۋىنشا, وڭىردەگى ەكوجۇيەنى جاقسارتا ءتۇسۋ وسىنداي شاعىن قادامداردان باستالادى.

العاشقى اپتادا «بەرەكەلى ول­كە» اتاۋىمەن كوممۋنالدىق قىزمەت­تەر مەن ۇيىمدار ەلدى مەكەندەردىڭ اۋما­عىن تازالادى. 510 شاقىرىم كوشە­لەر مەن تروتۋارلار رەتكە كەلتىرىلدى, 3 200-دەن اسا جول بەلگىلەرى, 669 ايالداما پاۆيلوندارى جانە 198 باعدارشام نىساندارى سىرلاندى, جول بويىنداعى 350 قۇدىقتىڭ قاقپاعى قالپىنا كەلتىرىلدى.

بۇدان سوڭ «مەنىڭ اۋلام – مە­نىڭ باعىم» اپتالىعى بويىنشا اۋلاىشىلىك اۋماقتار رەتكە كەلتىرىل­دى. 1 340 اۋلا مەن بالالار ويىن الاڭ­دارى, 1 168 قوقىس كونتەينەرى جانە 2 963 قوقىس الاڭى جينالدى. 189 ەسكەرتكىش رەتكە كەلتىرىلدى.

– ءبىزدىڭ ايماقتىڭ تۇرعىندارى «جاسىل ايماق» اپتالىعىنا دا بەلسەنە قاتىستى. وبلىستىڭ ەلدى مەكەن­دەرىندە 26,7 مىڭ كوشەت وتىر­عىزىلدى. «تابيعاتتى قورعاۋ – ادامنىڭ بورىشى» اپتالىعىندا رۇقسات ەتىلمەگەن پوليگوندار مەن لاستانعان ۋچاسكەلەر جويىلدى. 32,4 مىڭ توننا قاتتى تۇرمىستىق قالدىقتار شىعارىلدى, – دەپ اتاپ ءوتتى وڭىرلىك ەنەرگەتيكا جانە تۇر­عىن ءۇي-كوممۋنالدىق شارۋاشى­لىق باسقارماسى ءبولىمى باسشىسى­نىڭ مىندەتىن اتقارۋشى ءا.تەمىرتاس.

پاۆلودار قالاسىنىڭ اكىمدىگى­نەن حابارلاعانداي, ەرتىس وزەنى جا­عا­لا­ۋىنداعى «قازقوناق» تابيعي ەسكەرتكىشى ماڭىندا قاراعاي مەن شىرشا اعاشىنىڭ 300 كوشەتى, نازارباەۆ ينتەللەكتۋالدىق مەك­­تەبىنىڭ گۇلباعىندا ءارتۇرلى اعاش­­تاردىڭ 150 داناسى ەگىلگەن. ال قالا­نىڭ جاسىل بەلدەۋىنە, ياعني فرەگات-1 باعبانشىلىعى مەن «قازاقستان ءاليۋمينيى» اق ارالىعىنا بۇگىندە 4 500 تال وتىرعىزىلعان.

ەكولوگيالىق ايلىققا بار­لىعى وبلىستا 107 مىڭنان اسا تۇر­عىن, 3,2 مىڭ شارۋاشىلىق جۇر­گىزۋشى سۋبەكتى, كاسىپورىندار, مەملەكەتتىك مەكەمەلەر, ۇيىمدار, پاتەر يەلەرى­نىڭ كووپەراتيۆ­تەرى جۇمىلدىرىل­عان. ءۇي اۋلالارىنان 54,2 مىڭ توننا قوقىس شىعارىلعان. بۇگىن­گى تاڭدا قالالار مەن اۋداندار­دىڭ مەردىگەرلىك ۇيىمدارى ەلدى مەكەندەردىڭ ساني­تارلىق جاعدايىن قولداۋ بويىنشا جۇمىستاردى جالعاستىرىپ جاتىر.

پاۆلودار وبلىسى