استانادا 28-30 مامىر ارالىعىندا قابانباي باتىر داڭعىلىنىڭ قوناەۆتان سىعاناققا دەيىنگى بولىگى تولىعىمەن جابىلادى, دەپ حابارلايدى Egemen.kz ەلوردا اكىمدىگىنە سىلتەمە جاساپ.
استانا قالاسىنىڭ كولىك جانە جول كولىك ينفراقۇرىلىمىن دامىتۋ باسقارماسىنىڭ حابارلاۋىنشا, اۋا رايىنىڭ قولايسىزدىعىنا بايلانىستى قابانباي باتىر داڭعىلىنىڭ قوناەۆ كوشەسىنەن سىعاناق كوشەسىنە دەيىنگى بولىگىندەگى جۇمىستار توقتاتىلدى.
«28 مامىردان 30 مامىرعا دەيىن جولدىڭ جوعارعى قاباتىن توسەۋ ءۇشىن جوعارىدا اتالعان ۋچاسكە تولىعىمەن جابىلاتىنىن حابارلايمىز, بۇل رەتتە قابانباي باتىر/قوناەۆ جانە قابانباي باتىر/سىعاناق قيىلىسى اشىلادى», دەلىنگەن حابارلامادا.
بۇل رەتتە ۆەدومستۆو ەلوردا تۇرعىندارى مەن قوناقتارىنان قالا جولدارىندا كەپتەلىس تۋىنداماس ءۇشىن ءوز باعىتىن الدىن الا جوسپارلاۋدى سۇرادى.
قىرمىزى جۇماعاليقىزى,
ەۇۋ ستۋدەنتى