بۇگىن ەلىمىزدىڭ مەكتەپتەرىندە ارالىق جانە قورىتىندى ەمتيحانداردى تاپسىرۋ كەزەڭى باستالدى. ەمتيحان 11 ماۋسىمعا دەيىن جالعاسادى, دەپ حابارلايدى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
«بيىل ءبىرىنشى رەت ءبىلىم الۋشىلاردىڭ وقۋ باعدارلامالارىن يگەرۋىن, وقۋ جانە جازۋ ساۋاتتىلىعىن ايقىنداۋ ماقساتىندا 5-8,10 سىنىپتار ءۇشىن 31 مامىرعا دەيىن قازاق تىلىنەن ەمتيحاندار وتەدى. ەمتيحاننىڭ ناقتى ۋاقىتىن وقۋ ورىندارى وزدەرى بەلگىلەيدى. ەمتيحان ەكى بولىكتەن تۇرادى: جازباشا جانە اۋىزشا. وقۋشىلار ەسسە جازادى, سونداي-اق, ءماتىندى وقۋ, اڭگىمەلەسۋ جانە ءماتىندى تىڭداپ ءتۇسىنۋ بويىنشا ءوز شەبەرلىكتەرىن كورسەتەدى», دەپ حابارلادى مينيسترلىك.
9-سىنىپ وقۋشىلارى ءۇشىن ءبىتىرۋ ەمتيحاندارى 29 مامىر مەن 10 ماۋسىم ارالىعىندا, 11-سىنىپ وقۋشىلارى ءۇشىن 28 مامىر مەن 11 ماۋسىم ارالىعىندا وتەدى.
«اقتوبە وبلىسىنان 9 مەكتەپ, اتىراۋ وبلىسىنان 20 مەكتەپ جانە سولتۇستىك قازاقستان وبلىسىنان 5 مەكتەپ وقۋشىلارى بۇل وڭىرلەردە تابيعي سيپاتتاعى توتەنشە جاعداي جاريالانۋىنا بايلانىستى ارالىق جانە قورىتىندى اتتەستاتسيالاۋدان بوساتىلدى», دەپ حابارلادى ۆەدومستۆونىڭ ءباسپاسوز قىزمەتى.
ناتيجەسىندە قورىتىندى اتتەستاتسيادان بارلىعى 340 مىڭنان استام 9-سىنىپتى بىتىرۋشىلەر, 186 مىڭ 11-سىنىپتى بىتىرۋشىلەر وتەدى.
قىرمىزى جۇماعاليقىزى,
ەۇۋ ستۋدەنتى