بۇگىن, 25 مامىر كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ تۇڭعىش قورعانىس ءمينيسترى, ارميا گەنەرالى ساعادات نۇرماعامبەتوۆتىڭ تۋعانىنا - 100 جىل. مەرەيتوي اياسىندا باتىردى ەسكە الۋ, ەرلىگىنە قۇرمەت كورسەتۋ شارالارى ەلدىڭ تۇكپىر-تۇكپىرىندە ءوتىپ جاتىر, دەپ جازادى Egemen.kz.
سونداي شارانىڭ ءبىرى الماتىداعى قۇرلىق اسكەرلەرىنىڭ ساعادات نۇرماعامبەتوۆ اتىنداعى اسكەري ينستيتۋتىندا ءوتتى.
ەسكە الۋ جيىنىندا قازاقستان قورعانىس مينيسترلىگىنىڭ قولباسشىلارى, وفيتسەرلىك قۇرام مەن ينستيتۋت وقىتۋشىلارى, كۋرسانتتارى ساعادات نۇرماعامبەتوۆتىڭ ەسكەرتكىشىنە گۇل شوقتارىن قويدى.
سونداي-اق باتىر-گەنەرالدىڭ 100 جىلدىق مەرەيتويى كۇنى قۇرلىق اسكەرلەرى اسكەري ينستيتۋتىنىڭ ء«الي» وقۋ-جاتتىعۋ ورتالىعىندا كوكتەمگى شاقىرىلىمداعى 46 سارباز وتان مەن قازاقستان حالقىنا ادال قىزمەت ەتۋگە سالتاناتتى تۇردە انت بەردى.
شاراعا ساربازداردىڭ جاقىن-جۋىعى مەن تۋىستارى دا قاتىستى.
ساربازدار 1 اي بويى جاۋىنگەرلىك كۋرستى مەڭگەرىپ, جالپى اسكەري جارعىلاردى, قارۋ-جاراقتىڭ تاكتيكالىق-تەحنيكالىق سيپاتتامالارىن وقىپ, وقۋ-جاتتىعۋ, اتىس جانە دەنە شىنىقتىرۋ تۇرعىسىنان دايىندالدى. «بۇگىن ءبىز ءۇشىن ماڭىزدى كۇن – ءاربىر اسكەري قىزمەتشىنىڭ ومىرىندە ءبىر-اق رەت بولاتىن ايتۋلى شارا. بۇل مەن جانە قارۋلاستارىم ءۇشىن - ۇلكەن مارتەبە! وتان يگىلىگى ءۇشىن قىزمەت ەتۋ – مەنىڭ جەكە قالاۋىم, ءار جىگىتتىڭ بورىشى دەپ بىلەمىن», دەدى سارباز وسپان ەرعالي.
انت قابىلداۋ شاراسى سالتاناتتى مارشپەن قورىتىندىلاندى.
جيىننان كەيىن ء«الي» وقۋ ورتالىعىنىڭ باسشىلىعى جاس ساربازداردىڭ اتا-انالارىمەن كەزدەسىپ, اڭگىمەلەستى. اتا-انالاردىڭ كوكەيىندەگى ساۋالدارعا جاۋاپ بەردى.
سونداي-اق اتا-انالار قىزمەت كورسەتۋ ورىندارى, كازارما, اسحانا نىساندارىن ارالاپ كوردى.