بالالاردىڭ دەمالىسىنا قويىلاتىن نەگىزگى تالاپتار جاريالاندى. قر دەنساۋلىق ساقتاۋ مينيسترلىگى جازعى بالالار لاگەرلەرىندەگى قاۋىپسىزدىكتى قاداعالاۋعا ۋادە بەردى, دەپ حابارلايدى Egemen.kz.
ۆەدومستۆونىڭ ءباسپاسوز قىزمەتى حابارلاعانداي, جازعى دەمالىسقا دەيىن سۋمەن قامتاماسىز ەتۋ, ازىق-ت ۇلىك ساپاسى مەن گيگيەنالىق تالاپتارعا باقىلاۋدى كۇشەيتۋ جۇمىستارى جۇرگىزىلىپ جاتىر.
«45 ماۋسىمدىق قالا سىرتىنداعى دەمالىس ورىندارى باقىلاۋعا الىندى. بۇكىل ماۋسىم بويى ماماندار سۋ قويمالارى مەن باسسەندەردىڭ جاي-كۇيىنە تۇراقتى مونيتورينگ جۇرگىزەتىن بولادى. سونداي-اق لاگەرلەردىڭ اۋماعى قورشالىپ, تازالىعى, ازىق-ت ۇلىكپەن جانە مەديتسينالىق كومەكپەن قامتاماسىز ەتىلۋى دە - باستى تالاپتاردىڭ ءبىرى. لاگەر يەلەرى بالالار كەلگەنگە دەيىن لاگەرلەردىڭ دايىندىعىن تەكسەرۋى كەرەك. اتا-انالار بالالارىن لاگەرگە جىبەرەر الدىندا ولاردىڭ دەنساۋلىعىن قاداعالاپ, لاگەر تۋرالى اقپاراتتاردى بىلگەنى ءزالىم. ەگەر قۇقىق بۇزۋشىلىقتار بولسا, بۇل تۋرالى ءتيىستى ۇيىمدارعا حابارلاۋ قاجەت», دەلىنگەن دەنساۋلىق ساقتاۋ مينيسترلىگىنىڭ حابارلاماسىندا.
ءبولىم بالالاردىڭ قاۋىپسىز دەمالۋى ءۇشىن ساقتالۋى ءتيىس بىرقاتار ۇسىنىستار بەردى.
جازعى بالالار ۇيىمدارىنىڭ يەلەرى:
بالالاردىڭ كەلۋى باستالعانعا دەيىن لاگەرلەردى اشۋعا ۋاقتىلى جانە ساپالى دايىنداۋدى قامتاماسىز ەتۋ جانە لاگەردىڭ بەلگىلەنگەن سانيتاريالىق-ەپيدەميولوگيالىق تالاپتارعا سايكەستىگىن راستايتىن سانيتاريالىق-ەپيدەميولوگيالىق قورىتىندىنى الۋى ءتيىس. جۇمىسقا رۇقساتى بار جەكە مەديتسينالىق كىتاپشالارى جوق ادامداردى بالالارمەن جانە اس بلوگىمەن جۇمىس ىستەۋگە جىبەرمەۋى ءتيىس. قىزمەتكەرلەردى مەديتسينالىق قاراپ-تەكسەرۋگە ۋاقتىلى جىبەرۋى ءتيىس. بالالاردىڭ سانى لاگەردىڭ قۋاتىنا (جاتىن بولمەلەرى, اس بلوگىنداعى تەحنولوگيالىق جابدىقتار) سايكەس كەلۋى ءتيىس. بالالاردىڭ سىرقاتتانۋىنىڭ العاشقى بەلگىلەرىندە – جاقىن جەردەگى مەديتسينالىق ۇيىمعا حابارلاسۋى ءتيىس.اتا-انالار:
لاگەردى تاڭداۋ كەزىندە قازاقستان رەسپۋبليكاسى دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ سايتىندا ورنالاستىرىلعان بالالاردى ساۋىقتىرۋ ۇيىمدارىنىڭ تىزبەسىن باسشىلىققا الۋى ءتيىس. بالانى قالا ماڭىنداعى لاگەرگە جىبەرمەس بۇرىن ونىڭ جاي-كۇيىن تەكسەرۋ كەرەك. بالانىڭ اللەرگياسى, سوزىلمالى اۋرۋلارى جانە تاعامدىق ارتىقشىلىقتارى تۋرالى الىپ جۇرەتىن ادامعا (پەداگوگقا) الدىن-الا ەسكەرتۋى, بۇل تۋرالى بالانىڭ مەديتسينالىق انىقتاماسىندا دا جازىلۋى كەرەك. بۇزۋشىلىقتاردىڭ بارلىق فاكتىلەرى بويىنشا كوميتەتتىڭ اۋماقتىق بولىمشەسىنە جۇگىنۋ قاجەت (بايلانىس تەلەفوندارى مەن مەكەنجايلارى رەسمي سايتتاردا ورنالاستىرىلعان).
التىناي ابدىش,
ەۇۋ ستۋدەنتى