سەنات دەپۋتاتتارى دارحان قىدىرالى مەن الىشەر ساتۆالديەۆ تۇركى مەملەكەتتەرى پارلامەنتتىك اسسامبلەياسى ۇلتتىق قورعانىس كوميتەتتەرى توراعالارىنىڭ العاشقى وتىرىسىنا قاتىستى. وتىرىسقا قاتىسۋشىلار تۇركپا-عا مۇشە مەملەكەتتەر اراسىنداعى قورعانىس جانە قاۋىپسىزدىك سالالارىنداعى ءوزارا ءىس-قيمىلدى كۇشەيتۋ ماسەلەلەرىن تالقىلادى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
سەناتور دارحان قىدىرالى ءوز سوزىندە گەوساياسي شيەلەنىس پەن قارۋلى قاقتىعىستاردىڭ, ساۋدا سوعىستارىنىڭ جانە تەرروريزمنىڭ كۇشەيە تۇسۋىمەن قاتار بۇگىنگى الەم ەلەۋلى پروبلەمالارعا تاپ بولىپ وتىرعانىن اتاپ ءوتتى. سوندىقتان قاۋىپسىزدىك ماسەلەسى جاھاندىق كۇن ءتارتىبىن قالىپتاستىرۋدا شەشۋشى ءرول اتقارادى. اتالعان پروبلەما بۇكىل الەمگە ورتاق بولعاندىقتان قاۋىپ-قاتەرگە قارسى تۇرۋدا بىرلەسكەن شەشىم ىزدەستىرۋ قاجەت.
«قازاقستان تۇركى الەمىنىڭ ءار مەملەكەتىمەن تىعىز قارىم-قاتىناسقا ەرەكشە نازار اۋدارىپ كەلەدى. بۇل قازاقستاننىڭ سىرتقى ساياساتىنىڭ باسىم باعىتتارىنىڭ ءبىرى. پارلامەنتشى رەتىندە ءبىز ەل ىشىندەگى رەفورمالاردى زاڭدى تۇردە ىسكە اسىرۋدى, سونداي-اق حالىقارالىق باستامالاردى ىلگەرىلەتۋ ماسەلەلەرىن قامتاماسىز ەتەمىز. تۇركپا – تۇركى ىنتىماقتاستىعىندا ماڭىزدى حالىقارالىق الاڭ بولىپ تابىلادى. بۇل تۇركى تىلدەس ەلدەردىڭ مادەني, ەكونوميكالىق جانە گۋمانيتارلىق سالالارداعى بايلانىستارىن سارالاۋعا, دامىتۋعا, سونداي-اق تۇركى مەملەكەتتەرىنىڭ ىقپالداستىعىن ارتتىرۋعا جاردەمدەسەدى», دەدى دارحان قىدىرالى.
ودان بولەك سەناتورلار انكارا قالاسىنداعى قورعانىس ونەركاسىبى باسقارماسىندا دا بولدى.