س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ عالىمدارى كىرپىشتىڭ جاڭا ءتۇرىن ويلاپ تاپتى.
يننوۆاتسيالىق ءونىمنىڭ باستى ارتىقشىلىعى – قۇنى تومەن, نارىقتاعى ساپاسى جوعارى, ەكولوگيالىق ءونىم سانالادى. سونىمەن بىرگە اتالعان تەحنولوگيانىڭ نارىقتاعى وزەكتىلىگى – كىرپىش ءوندىرۋ ءۇشىن جاڭا كومپوزيتسيالىق ماتەريالداردى پايدالانۋ تەحنيكالىق جانە ەكونوميكالىق تۇرعىدان نەگىزدەلگەن. بۇل تۇتىناتىن ماتەريالدى ازايتىپ قانا قويماي, ءوندىرىس شىعىنىن 20 پايىزدان استامعا تومەندەتىپ, كىرپىشتىڭ سورتىن 50-دەن 250 مپا-عا دەيىن ارتتىرادى.
تەحنولوگيانىڭ بىرەگەيلىگى مەن جاڭالىعى – ەكىباستۇز كومىرىنىڭ ك ۇلىن كادەگە جاراتۋ ارقىلى گيپەرپرەسستەلگەن كىرپىش ءوندىرۋ تەحنولوگياسىنا جاڭا ماتەريالدار مەن قالىپتاۋ رەجىمدەرى پايدالانىلادى.
بۇل ءۇشىن قۇرال-جابدىقتار تولىعىمەن الىنىپ, تسەحقا جەلى ورناتىلدى. قازىر وندىرىستىك جۇيە ىسكە قوسىلىپ, قاجەتتى شيكىزات پەن ماتەريالدار جەتكىزىلىپ وتىر. گوست 1078, گوست 31108 سايكەس وندىرىستە قولدانىپ بايلانىستىراتىن ماتەريالداردى سىناۋ بويىنشا ءتيىستى تاجىريبە جاسالدى. قۇرامىندا وندىرىسكە قاجەتتى تسەمەنت پەن ك ۇلى بار كومپوزيتسيالار سىناقتان ءوتتى. كىرپىشكە ارنالعان قوسپالاردىڭ تەحنولوگيالىق پارامەترلەرى انىقتالىپ, قالىپتى تىعىزدىق, كۇل مەن كۇلدى قوساتىن تسەمەنت پاستاسى فيزيكالىق-مەحانيكالىق سىناۋلار ارقىلى, ال كۇلدىڭ ءتۇسۋىن باقىلاۋ وندىرىستە قولدانىلاتىن قوسپالاردىڭ قاۋىپسىزدىگىن كورسەتەتىن رەنتگەن-فلۋورەستسەنتسيالىق تالداۋ ارقىلى جۇرگىزىلدى.
شيكىزاتتاردىڭ, قوسپالاردىڭ جانە شىڭدالعان ماتەريالداردىڭ پارامەترلەرىن باقىلاۋ بەلگىلى ستاندارتتالعان ادىستەر بويىنشا: گوست 30744-200, گوست 10178, گوست 3108, گوست 8736-2014 ارقىلى اتقارىلدى. شيكىزات ساپاسىنىڭ بارلىق كورسەتكىشى تسەمەنت ۇلگىلەرىنىڭ مايىسۋ جانە سىعىمدالۋىن سىناۋ ارقىلى انىقتالدى. بارلىق ونىمدىلىك كورسەتكىشى فيزيكالىق جانە حيميالىق تالداۋ دەرەكتەرىمەن جانە جوعارى قىسىمدى ەلەكتروندى ميكروسكوپيالىق دەرەكتەرمەن راستالدى.
ونىمدەر نارىققا شاعىن جانە ورتا بيزنەس وكىلدەرىنىڭ قاتىسۋىمەن «Astana Garant Consulting» جشس سەمينارى ارقىلى شىعارىلادى.
بيىل تەحنولوگيالىق كورسەتكىشتەردىڭ ساپاسىن قامتاماسىز ەتۋ, گيپەرپرەسستەلگەن كىرپىش ءوندىرۋدىڭ تەحنولوگيالىق رەگلامەنتىن دايىنداپ, ءونىمدى سىناۋ جانە سەرتيفيكاتتاۋعا ازىرلەپ, دايىن ءونىمدى وتكىزۋ مىندەتتەرى قويىلدى. قازىر ءونىمدى سەرتيفيكاتتاۋ جۇمىستارى اياقتالۋعا جاقىن.
ۋنيۆەرسيتەت عالىمدارىنىڭ ايتۋىنشا, گيپەرپرەستەلگەن كىرپىشتەر ءوندىرىس قالدىقتارىن پايدالانۋ ارقىلى قورشاعان ورتانى قورعاۋعا دا ايتارلىقتاي ۇلەسىن قوسپاق.