فينليانديا تاراپىنىڭ باستاماسىمەن وتكەن اڭگىمەلەسۋ بارىسىندا مەملەكەتتەر باسشىلارى ەكىجاقتى كۇن ءتارتىبىنىڭ وزەكتى ماسەلەلەرىن تالقىلادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ پەن الەكساندر ستۋبب ساۋدا-ەكونوميكالىق جانە ينۆەستيتسيالىق ىقپالداستىقتى نىعايتۋعا باسا ءمان بەرە وتىرىپ, قازاق-فين بايلانىستارىن بارلىق باعىت بويىنشا ودان ءارى قارقىندى دامىتۋعا ءوزارا مۇددەلى ەكەنىن ءبىلدىردى.
تاراپتار كوپجاقتى ۇيىمدار اياسىنداعى قارىم-قاتىناستاردى ودان ءارى نىعايتۋ ماسەلەلەرى جونىندە پىكىر الماستى. مەملەكەت باسشىسى فينليانديانىڭ 2025 جىلى ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق قىزمەتىنە تابىس تىلەپ, قازاقستاننىڭ كونسترۋكتيۆتى ىقپالداستىقتى جالعاستىرۋعا دايىن ەكەنىن راستادى.