اتىراۋ وبلىسىندا توتەنشە جاعداي رەجيمى جاريالانعالى بەرى اۋىز سۋدان 800-گە جۋىق سىناما الىنعان, دەپ جازادى Egemen.kz.
اۋىز سۋدان الىنعان 800-گە جۋىق سىنامانىڭ 24 جاعدايىندا سۋدىڭ لايلىلىعى, ءدامى گيگيەنالىق نورماتيۆكە ساي بولماي شىقتى.
«ماماندار سۋ قوندىرعىلارىن تازالاۋ جۇمىستارىن جۇرگىزدى. سونداي-اق اشىق سۋ كوزدەرىنەن 98 سىناما الىندى. تاسقىن بولىپ جاتقان اۋماقتاردا سۋدىڭ ساپاسىن باقىلاۋعا ارنالعان جۇمىستار كۇشەيتىلىپ جاتىر», دەدى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ ءبولىم باسشىسى ايگۇل سابىرقىزى.