بۇل تۋرالى ءىىم اكىمشىلىك پوليتسيا كوميتەتىنىڭ توراعاسى قايسار سۇلتانباەۆ وكق الاڭىندا ايتتى, دەپ حابارلايدى Egemen.kz.
شامامەن 3,5 ملن جولدا ءجۇرۋ ەرەجەلەرىن بۇزۋدىڭ جولى كەسىلگەن. 8 مىڭعا جۋىق «ماس» جۇرگىزۋشى ۇستالىپ, بارلىعى سوتپەن كولىك تىزگىندەۋ قۇقىعىنان ايىرىلعان. 7 مىڭنان استام ادام اكىمشىلىك قاماۋعا الىنىپ, 145 مىڭنان استام جاياۋ جۇرگىنشىگە ايىپپۇل سالىنعان.
سپيكەردىڭ ايتۋىنشا بۇل جاعدايعا اۆتومەكتەپتەرگە قويىلاتىن تالاپتاردىڭ تومەندەۋى جانە جۇرگىزۋشىلەردى دايارلاۋ ساپاسى ىقپال ەتكەن. وسىعان بايلانىستى ىشكى ىستەر مينيسترلىگىمەن ەمتيحانداردى قابىلداۋ قاعيدالارىنا تۇزەتۋلەر ەنگىزىلدى.
«ەندى بۇل پروتسەدۋرا اشىق بولادى. ەمتيحان تاپسىرۋ پروتسەسى ونلاين ترانسلياتسيا ارقىلى باقىلانادى. «اۆتومەكتەپ» اقپاراتتىق جۇيەسىندە ءبىلىم الۋشىلاردى مىندەتتى تىركەۋ نورماسى ەنگىزىلدى. وسىلايشا, تىزىمدەردى تۇزەتۋ مۇمكىندىگى الىنىپ تاستالدى. سونىمەن قاتار جۇرگىزۋشىلەردىڭ ءوز بەتىنشە دايىندالۋىن الىپ تاستادىق», دەدى قايسار سۇلتانباەۆ.