20-دان استام جاڭا كامەرا جىلدامدىق اسىرعان جۇرگىزۋشىلەر تۋرالى اقپاراتتاردى جىبەرە باستادى, دەپ حابارلايدى Egemen.kz اlmaty-akshamy.kz-كە سىلتەمە جاساپ.
بۇگىننەن باستاپ 21 «Zerek-2» اپپاراتتىق-باعدارلامالىق كەشەنى مىنا جولداردا شتاتتىق رەجيمدە جۇمىس ىستەيدى: پاۆلودار – قالباتاۋ, بەينەۋ – اقجىگىت, ورال – سامارا, پاۆلودار – ومسك, ورال – ساراتوۆ.
جىلدامدىق اسىرعان جۇرگىزۋشى تۋرالى اقپاراتتى كامەرا اكىمشىلىك ءىس جۇرگىزۋدىڭ بىرىڭعاي تىزىلىمىنە جىبەرەدى.
ايتا كەتسەك, وسىدان ءبىر جىل بۇرىن تۋرا وسىنداي بەينەباقىلاۋ جۇيەسى شىمكەنت – قىزىلوردا, شىمكەنت – وزبەكستان شەكاراسى, شىمكەنت – تاراز, تاراز – قاينار, قوناەۆ – تالدىقورعان, استانا – پاۆلودار تاسجولدارىندا جۇمىس ىستەي باستادى. ماجىلىسمەندەر پوليتسياعا كولىكتىڭ ورتاشا جىلدامدىعىن انىقتاۋعا مۇمكىندىك بەرەتىن زاڭنامالىق تۇزەتۋلەر جوباسىن ەكىنشى وقىلىمدا قابىلدادى.