2024 جىلدىڭ 18 مامىرىندا قازاقستاننىڭ ۇلتتىق قاۋىپسىزدىك كوميتەتى (ۇقك) قىرعىزستانمەن شەكاراداعى جاعدايعا قاتىستى ماڭىزدى مالىمدەمە جاسادى, دەپ حابارلايدى Egemen.kz.
«قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءباسپاسوز قىزمەتى بىشكەك قالاسىنداعى تۇنگى تارتىپسىزدىكتەردەن كەيىن پاكىستاندىق ستۋدەنتتەر توبىنىڭ قىرعىزستاننان قازاقستانعا وتۋگە جينالىپ جاتقانى تۋرالى كەيبىر باق-تا جاريالانعان اقپاراتتىڭ شىندىققا سايكەس كەلمەيتىنىن حابارلايدى», دەپ جازىلعان مالىمدەمەدە.
سونىمەن قاتار قازاقستان-قىرعىزستان مەملەكەتتىك شەكاراسىنداعى باقىلاۋ-وتكىزۋ پۋنكتتەرى شتاتتىق رەجيمدە جۇمىس ىستەپ تۇرعانىن اتاپ ءوتتى.
«قازاقستان مەن قىرعىزستاننىڭ شەكاراشىلارى بىشكەك قالاسىنداعى قالىپتاسىپ وتىرعان جاعداي تۋرالى ۇزدىكسىز اقپارات الماسىپ وتىر», دەپ حابارلادى ۆەدومستۆودان.