كەيبىر تالاپتار وزگەرەدى

قابىلدانعان شەشىمگە سايكەس ءتىس پروتەزدەرىنە ارنال­عان بەكىتكىش ۇنتاقتار مەن پاستا­لار, ءتىس ششەتكالارى مەن جىپ­تەر سياقتى اۋىز قۋىسىنىڭ گيگيە­ناسىنا ارنالعان قۇرال­دار مەن بۇيىمداردىڭ تۇر­لەرى ەندى مەملەكەتتىك تىركەۋ­دەن ءوتۋ ارقىلى بىرىڭعاي ساني­تا­ر­لىق تالاپتارعا سايكەس­تىگى باعالاناتىن بولادى. بۇل ەاەو ەلدەرىنىڭ نارىقتارىندا بەلگىلەنگەن ستاندارتتارعا ساي­كەس كەلمەيتىن اۋىز قۋى­سى گيگيەناسىنا ارنالعان قۇرالدار مەن بۇيىمداردىڭ اينالىمىن بارىنشا ازايتۋعا مۇمكىندىك بەرەدى.

«ويىنشىقتاردىڭ قاۋىپ­سىز­دىگى تۋرالى» تەحنيكا­لىق رەگلا­مەنتكە وزگەرىستەر قار­سىلىقسىز قابىلداندى. ەن­دى تاڭبالاۋ جاپسىرمالارىندا «حوش يىستەندىرىلگەن ويىن­شىق», «جۇمساق ويىن­شىق­تار», «سىلدىرماق», ء«دام داعدى­لارىن دامىتۋعا ارنالعان جيىن­تىق», ء«يىس سەزۋدى دامىتۋعا ارنال­عان ۇستەل ويىندارى», ء«دام جيناق­تارى» سياقتى باسقا دا جاڭا انىقتامالار پايدا بولادى.

تاۋارلاردىڭ دامۋشى جانە از دامىعان ەلدەردەن شىعۋىن ايقىنداۋ قاعيدالارىنا وزگە­رىس­تەر پاكەتى ماقۇلداندى. بۇل ەرەجەلەر تاريفتىك پرەفەرەن­تسيا­لار بەرۋگە قولدانىلادى. وزگەرiستەر تاۋارلاردى كەدەندiك رەسiمدەۋ كەزiندە شىققان جەرىن راستاۋ ءراسiمiن وڭايلاتۋعا ىقپال ەتەدى. اتاپ ايتقاندا, تۇراقتى نەگىزدە تۇپنۇسقانىڭ ورنىنا تاۋاردىڭ شىققان جەرى كورسەتىلگەن سەرتيفيكاتىنىڭ كوشىرمەسىن نەمەسە ەلەكتروندىق نۇسقاسىن پايدالانۋ مۇمكىندىگى بولادى. تاۋارلاردى تاسىمالداۋ شارتتارىنا قويىلاتىن تالاپتار, تاۋاردىڭ شىققان جەرى كورسەتىلگەن سەرتيفيكاتتى تەكسەرۋگە ءۇشىنشى ەلدەردىڭ ەلەكتروندىق دەرەكقورلارى تۋرالى ەرەجەلەر جانە باسقالارى ناقتىلاندى.

سونداي-اق ەەك كەڭەسىندە مەم­لەكەتتىك ساتىپ الۋعا تاۋارلاردىڭ جەكەلەگەن تۇر­لەرىنىڭ شىعارىلعان ەلىن اي­قىنداۋ قاعيدالارىنا وزگەرىس­تەر ەنگىزۋ ماسەلەسى قولداۋ تاپتى. نەگىزگى وزگەرىس مەملەكەتتىك ساتىپ الۋعا قاتىسۋ كەزىندە ۇلتتىق رەجىمدى ۇسىنۋ ءۇشىن تاۋارلاردىڭ شىعارىلعان ەلىن ايقىنداۋعا قاتىستى بولدى. جاڭا رەداكتسيانىڭ ارقاسىندا بۇل ماڭىزدى بولماي قالادى: سا­تىپ الۋ ۇدەرىسى جۇرگىزىلەتىن ەل­دىڭ نەمەسە ەاەو-عا مۇشە باس­قا مەملەكەتتەردىڭ جەتكىزۋشىلەرى تاۋار ۇسىنادى.