ەلورداداعى «جاستار» تەاترىندا «Sensitivە» ونەر ۇجىمى الەكساندر گريننىڭ ايگىلى «القىزىل جەلكەندەر» پوۆەسىنىڭ جەلىسىمەن ازىرلەنگەن «تولقىنداردىڭ جولىن كەسۋ» اتتى پلاستيكالىق پەرفورمانستى كوپشىلىكتىڭ نازارىنا ۇسىندى. ەستۋ قابىلەتتەرى تومەن ونەرپازدار ساحنالاعان قويىلىم كورەرمەندى ەرتەگىلەر الەمىنە جەتەلەپ, ءومىردىڭ فيلوسوفيالىق مانىنە تەرەڭ ءۇڭىلۋدى, ادامدار اراسىنداعى قارىم-قاتىناسقا جاڭاشا كوزقاراسپەن قاراۋدى ۇندەيدى.
سپەكتاكلگە سەنات توراعاسى ماۋلەن اشىمباەۆ باستاعان ءبىر توپ سەناتور ارنايى باردى. پالاتا سپيكەرى تەاتر ارتىستەرىنىڭ شەبەرلىگىن جوعارى باعالاپ, مۇمكىندىگى شەكتەۋلى ازاماتتاردى ورتاعا بەيىمدەۋدە, ولاردى وڭالتۋدا ونەردىڭ اتقاراتىن ءرولى زور ەكەنىن ايتتى. سونداي-اق ول ەلىمىزدە اتالعان ساناتتاعى ادامداردى قولداۋعا ەڭ جوعارى دەڭگەيدە باسا ءمان بەرىلىپ, بۇل باعىتتا كەشەندى جانە جۇيەلى جۇمىس جۇرگىزىلىپ جاتقانىن تىلگە تيەك ەتتى.
سونىمەن قاتار سەنات سپيكەرى وزدەرىنىڭ قاجىر-قايراتىمەن بارشا كورەرمەندى جىگەرلەندىرىپ جۇرگەن «Sensitivە» بي ءانسامبلىنىڭ ۇجىمىنا جانە جوبانىڭ كوركەمدىك جەتەكشىسى, تالانتتى جاستاردىڭ دارىنىن شىڭداپ, ولاردى جاڭا جەتىستىكتەرگە جەتەلەپ كەلە جاتقان ولگا روستوۆششيكوۆاعا العىس ءبىلدىردى.
ايتا كەتەيىك, «Sensitivە» تەاترى وسىدان 18 جىل بۇرىن پەتروپاۆل قالاسىنداعى ەستۋ قابىلەتى تومەن بالالارعا ارنالعان مەكتەپ-ينتەرناتتىڭ بازاسىندا قۇرىلعان. قازىرگى تاڭدا ەلىمىزبەن بىرگە بىرقاتار شەت مەملەكەتتە دە اتى ءمالىم بۇل ونەر ۇجىمى كوپتەگەن حالىقارالىق بايقاۋ مەن فەستيۆالدىڭ لاۋرەاتى.