قوناەۆ قالاسىندا وقۋ-جاتتىعۋ كەزىندە گراناتا جارىلعان. وقيعا سالدارىنان ەكى پوليتسيا قىزمەتكەرى جاراقات الدى, دەپ حابارلايدى Egemen.kz.
باق بەتتەرىندە وقۋ-جاتتىعۋ بارىسىندا قىزمەتكەرلەردىڭ ءبىرى گراناتا لاقتىرىپ, سونىڭ سالدارىنان ەكى پوليتسيا قىزمەتكەرىنىڭ جارالانعانى تۋرالى اقپارات تارادى.
اتالعان جاعدايعا بايلانىستى الماتى وبلىسىنىڭ پوليتسيا دەپارتامەنتى مالىمدەمە جاسادى.
- وقۋ پوليگونىندا جاتتىعۋ ساباقتارى كەزىندە جارىق-شۋ گراناتاسى پايدالانىلىپ, وبلىستىق دەپارتامەنتتىڭ ەكى قىزمەتكەرى دەنە جاراقاتىن العانىن حابارلايمىز. ناتيجەسىندە ولاردىڭ بىرەۋى قالالىق اۋرۋحاناعا جاتقىزىلدى - دەپ حابارلايدى الماتى وبلىسىنىڭ پوليتسيا دەپارتامەنتىنەن.