اقش-تىڭ كاليفورنيا شتاتىنداعى لوس-اندجەلەس قالاسىندا 70-تەن استام ەلدىڭ 2 000 وقۋشىسى اراسىندا جۇلدە قورى 9 ملن $ قۇرايتىن Regeneron ISEF 2024 دۇنيەجۇزىلىك عىلىمي-ينجەنەرلىك بايقاۋى 13 مامىر كۇنى اشىلدى. وعان ەلىمىزدەن 3 جاس ينجەنەر اتتاندى. قازاقستان قۇراما مۇشەلەرى بيىلعى وقۋ جىلىنىڭ رەسپۋبليكالىق عىلىمي جوبالار كونكۋرسى بويىنشا ىرىكتەلدى, دەپ حابارلايدى Egemen.kz وقۋ-اعارتۋ مينيسترلىگىنە سىلتەمە جاساپ.
ءاليحان جاربولوۆ – الماتى قالاسىنداعى رفمم 11-سىنىپ وقۋشىسى, ءوزىنىڭ ماتەماتيكالىق جوباسىمەن;
ءابىلمانسۇر راحمەتتۋللاەۆ – «Haileybury Astana» حالىقارالىق مەكتەبىنىڭ 12-سىنىپ وقۋشىسى, ينفورماتيكا پانىنەن;
ساياجان جاقسىعاليەۆا – استانا قالاسىنداعى «ميراس» حالىقارالىق مەكتەبىنىڭ 11-سىنىپ وقۋشىسى, حيميا پانىنەن عىلىمي جوبامەن قاتىسادى.
ايتا كەتسەك, Regeneron ISEF – 13 پەن 18 جاس ارالىعىنداعى مەكتەپ وقۋشىلارىنىڭ عىلىمي جانە ينجەنەرلىك جەتىستىكتەرىنىڭ دۇنيەجۇزىلىك كورمە-كونكۋرسى. ول جاس عالىمداردى انىقتاۋ مەن قولداۋعا, قولدانبالى جانە ىرگەلى عىلىمدار سالاسىنداعى زەرتتەۋلەردى دامىتۋعا باعىتتالعان.