استانادا ەلوردا كۋبوگى ءىىى حالىقارالىق ءتۋرنيرىنىڭ ەكىنشى جارىس كۇنى باستالدى. «Beeline» ارەنادا ءوتىپ جاتقان باسەكەدە ەرلەر قۇراماسىندا العاشقى جەڭىلىس تىركەلدى, دەپ جازادى Egemen.kz.
63,5 كگ سالماق دارەجەسىندە رينگكە شىققان وتانداسىمىز ەرتۋعان زەينۋللينوۆ يران بوكسشىسى حابيبينيجات اليگە ەسە جىبەردى.
3 راۋندتىق ايقاستىڭ ەكىنشى راۋندى عانا ەرتۋعان زەينۋللينوۆتىڭ باسىمدىعىمەن اياقتالدى.
جۇدىرىقتاسۋ اياقتالعاننان كەيىن قوسىمشا باقىلاۋشىلاردىڭ نۇسقاۋىمەن يران بوكسشىسىنىڭ اسىعى الشىسىنان ءتۇستى.
حابيبينيجات ءالي 63, 5 كگ-دا يراننىڭ وليمپيادالىق ىرىكتەۋ تۋرنيرىنە دە ۇكىلەپ قوسىپ وتىرعان ۇمىتكەرى.
تايلاندتاعى تارتىستا ونىڭ جولى ەل بوكسشىسى مۇحاممەدسابىر بازارباي ۇلىمەن توعىسىپ قالۋى ابدەن مۇمكىن.
ەسكە سالايىق, ەرتۋعان زەينۋللينوۆ 63,5 كگ سالماق دارەجەسىندە وتكەن جىلعى ەلوردا كۋبوگى ءىى ءتۋرنيرىنىڭ جەڭىمپازى اتانعان ەدى. بيىل تۋرنير چەمپيونى العاشقى اينالىمنان اسا المادى.
63,5 كگ سالماق دارەجەسىندەگى تاعى ءبىر ەل بوكسشىسى بەكزات ماقجان وزبەك ادحامدون مۋحيددينوۆتەن جەڭىلدى.