قازىرگى ۋاقىتتا مەكتەپ وقۋلىقتارىن تسيفرلىق فورماتقا كوشىرۋ پروتسەسى 100%-عا ورىندالدى. وقۋ ماتەريالدارىنىڭ بارلىعى مەملەكەتتىك ساراپتامادان ءساتتى ءوتىپ, وقۋ-ادىستەمەلىك كەشەندەر تىزىمىنە ەنگىزىلدى. تسيفرلىق وقۋلىقتار ەلدىڭ 13 باسپاسى ۇسىنعان 11 پلاتفورمادا ازىرلەنىپ جاتىر, دەپ حابارلايدى Egemen.kz.
«وقىتۋدىڭ يننوۆاتسيالىق ادىستەرىن ەنگىزۋ ءۇشىن پەداگوگتەرگە ارنالعان ادىستەمەلىك ۇسىنىمدار ازىرلەندى. مۇعالىمدەر ونلاين-رەسۋرستارمەن جۇمىس ىستەۋ داعدىلارىن ارتتىرا وتىرىپ, ساباقتاردا تسيفرلىق تەحنولوگيالاردى, ونلاين-كوممۋنيكاتسيالاردى بەلسەندى پايدالانادى», دەپ اتاپ ءوتتى ۆەدومستۆونىڭ ءبىلىم ساپاسىن قامتاماسىز ەتۋ كوميتەتى توراعاسىنىڭ ورىنباسارى مايرا مەلدەبەكوۆا.
مينيسترلىكتىڭ مالىمەتىنشە, روبوتوتەحنيكا, STEM, حيميا, فيزيكا, بيولوگيا بويىنشا 1 مىڭ 345 زاماناۋي كابينەت اشۋ جۇمىستارى جۇرگىزىلىپ جاتىر. جىل سوڭىنا دەيىن 20 وڭىردە 1 مىڭ 072 مەكتەپ زاماناۋي كابينەتتەرمەن جابدىقتالادى دەپ جوسپارلانىپ وتىر.