قازاقستان ازاماتى لوندوندا كىسى ءولتىردى دەگەن ايىپپەن تەرگەلىپ جاتىر, دەپ حابارلايدى Egemen.kz.
37 جاستاعى بەيبىت بايمولدا 42 جاستاعى ەر ادامدى پىشاقتاپ تاستاعان. وعان 7 مامىردا تەمزا سوتىندا كىسى ءولتىردى دەگەن ايىپ تاعىلىپ, 10 مامىردا قاماۋعا الىنعان.
«پوليتسياعا 6 مامىر كەشكى ساعات 21:00 كەزىندە كرەنستون گاردەنس, ە4 مەكەنجايى بويىنشا ەر ادامنىڭ پىشاق جاراقاتىن العانى تۋرالى حابار كەلەدى. وكىنىشكە قاراي, 42 جاستاعى ازامات وقيعا ورنىندا قانسىراپ قازا تاپتى», دەلىنگەن The standard تاراتقان حابارلامادا.
بايمولدامەن بىرگە 33 جاستاعى ايەل ۇستالعان. ول تەرگەۋ بىتكەنشە كەپىلمەن بوساتىلعان.
ايتا كەتەيىك, قازاقستان ازاماتى 2023 جىلى ۇلىبريتانياعا ماۋسىمدىق جۇمىس ىستەۋگە بارعان.