توتەنشە جاعدايلار مينيسترلىگى باتىس قازاقستان وبلىسىنداعى جايىق وزەنىندە 7 ادام قۇتقارىلعانىن حابارلادى, دەپ جازادى Egemen.kz.
جايىق وزەنىندە ەكى قايىقتىڭ ءبىرى اۋدارىلىپ, اعىس الىپ كەتكەن. اۋدارىلعان قايىقتاعى ازاماتتار جاعاعا ءوز كۇشىمەن جەتە الماعان.
توتەنشە وقيعا بولعان جەرگە قۇتقارۋشىلار شاقىرىلدى. ولار جەرگىلىكتى تۇرعىنداردى سۋ باسقان جەردەن قاۋىپسىز ايماققا جەتكىزدى.