ەلدىڭ سۋ باسقان وڭىرلەرىندە تاسقىن كەزىندە 9 761 باس مال قىرىلعان. قازىر شىعىندى وتەۋ جۇمىستارى جۇرگىزىلىپ جاتىر. بۇل تۋرالى اۋىل شارۋاشىلىعى ءمينيسترى ايدار ساپاروۆ ۇكىمەت وتىرىسىنان كەيىن وتكەن بريفينگتە ايتتى, دەپ جازادى Egemen.kz.
ءمينيستردىڭ مالىمەتىنشە, قازىر وڭىرلەردەگى مال شىعىنىن ەسەپتەيتىن كوميسسيا جۇمىس ىستەپ جاتىر. كوميسسيا شەشىمىمەن قۇجاتى بار قىرىلعان مالدىڭ شىعىنى بيۋدجەت ەسەبىنەن وتەلەدى.
«تاسقىن سۋ اۋماعىنان 138 800 باس مال قۇتقارىلدى. ودان بولەك, 9 761 باس مال قىرىلدى, ولەكسەلەردىڭ 98%-ى جويىلدى. تىركەلمەگەن مال شىعىندارى قوردىڭ, دەمەۋشىلەردىڭ ەسەبىنەن وتەلەدى. بۇگىندە 4 801 باس مال شىعىنى وتەلدى, بۇل باعىتتاعى جۇمىس جالعاسىپ جاتىر», دەدى ايدار ساپاروۆ.
سونداي-اق 4 801 باس مال شىعىنىن وتەۋگە 1 ميلليارد 198 ميلليون تەڭگە بولىنگەن.