ءىرى كومپانيالاردىڭ قولداۋى

اقتوبە وبلىسىنىڭ اكىمى اسحات شاحاروۆتىڭ ايتۋىنشا, وڭىردە جاعداي تۇراقتاندى, وزەندەردەگى سۋ دەڭگەيى تومەندەپ كەلەدى. ىرعىز, مۇعالجار, تەمىر, ويىل, قوبدا, ايتەكە بي اۋداندارىندا جانە اقتوبەدە جەرگىلىكتى دەڭگەيدە تج رەجىمى ءالى دە جالعاسادى.

اپاتتان بارلىعى 4600 تۇر­عىن ءۇي زارداپ شەكتى. بۇگىنگى تاڭدا 1 مىڭنان استام ءۇي مەن ساياجاي تەكسەرىلىپ, ونىڭ 641-ءى جوندەۋگە جاتپايتىنى انىقتالدى.

«BI Group» حولدينگى ايتەكە بي جانە مۇعالجار اۋداندارىن­دا 40-قا جۋىق ءۇي سالۋعا كىرىس­تى. سونداي-اق كومپانيا اق­توبە قالاسىندا باسپاناسىز قال­عان­دارعا 34 پاتەر ساتىپ الادى. جۇ­مىستى تامىزدىڭ ورتاسىندا اياق­تاۋ جوسپارلانعان. بۇل ماقساتقا كومپانيا 2 ملرد تەڭگە ءبولدى.

«سۋ تاسقىنى كەزىندە اپاتقا قارسى كۇرەسكە بارلىعى 5 ملرد تەڭگە بولدىك, ونىڭ 2 ملرد-ى اقتوبە وبلىسىنا باعىتتالادى»,  دەدى ايدىن راحىمباەۆ.

قوبدا اۋدانىندا قوسىمشا 150 تۇرعىن ءۇي سالۋعا, سونداي-اق اقتوبە قالاسىندا جانە وبلىس اۋداندارىندا 269 پاتەر مەن ءۇي ساتىپ الۋعا «ۆەرنىي كاپيتال» كومپانياسىنىڭ نەگىزىن قالاۋشى بولات وتەمۇراتوۆتىڭ جەكە قورى دەمەۋشىلىك ەتپەك.

«جالپى, اقتوبە وبلىسىنا 11,5 ملرد تەڭگە بولىنەدى. وتكەن اپتادا ايتەكە بي اۋدانىنىڭ جۇرگەنوۆ اۋىلىندا جاڭا ۇيلەر ساتىپ الىنا باستادى. العاشقى بەس ءۇي زارداپ شەككەندەرگە بەرىلدى. وسى اپتادا تاعى 15 ءۇيدى تاپسىرۋ جوسپارلانىپ وتىر», دەدى داۋرەن وتەمۇراتوۆ.

ERG كومپانيا­لار توبى وڭىرگە شامامەن 15 ملرد تەڭگە بولەدى.

«ERG بارلىق كاسىپورىن­دارى سۋ تاسقىنىنىڭ سالدارىن جويۋ ءۇشىن قولدان كەلگەنشە كو­مەك كورسەتەدى. كومپانيالار توبى­نىڭ اكتسيونەرلەرى قالپىنا كەل­تىرۋ جۇمىستارىنا شاما­مەن 40 ملرد تەڭگە ءبولدى. اق­توبە وبلىسىندا ءبىزدىڭ كومپانيا­لار توتەنشە جاعدايدىڭ العاشقى كۇن­دەرىنەن باستاپ جەرگىلىكتى اتقارۋ­شى ورگاندارمەن بىرلەسە جۇمىس ىستەۋگە كىرىستى. ءبىز تەحنيكا بەردىك, سونىمەن قاتار ۆولون­تەر­لەرىمىز دە بەلسەندى كومەك­تەسىپ جاتىر», دەدى سەرگەي پروكوپەۆ.

ۆيتسە-پرەمەر قانات بوزىم­باەۆ حالىقپەن كەزدەسۋ بارىسىندا وڭىردەگى جالپى احۋال, زالالدى وتەۋ جانە تۇرعىن ۇيلەردى قالپىنا كەلتىرۋ تۋرالى ايتىپ بەردى.

اتاپ ايتقاندا, جالپى سوماسى 877 ملن تەڭگە بولاتىن 100 اەك مولشەرىندەگى العاشقى بىرجولعى كومەك 2700 وتباسىنا بەرىلدى. جوعالعان نەمەسە ب ۇلىنگەن م ۇلىكتى وتەۋ اياسىندا 344 وتباسىنا 600 ملن تەڭگە تولەندى. قالعان زارداپ شەككەندەرگە قاراجات جاقىن ارادا تولىق تولەنەدى.

«سۋ تاسقىنىنان كەلگەن زالالدى جويۋ ءۇشىن جەرگىلىكتى بيۋدجەتتەن 7,8 ملرد تەڭگە قاراس­تىرىلعان. الايدا تۇرعىن ءۇي قورىنان باسقا 136 شاقىرىم جولدى, 15 كوپىر مەن 23 الەۋ­مەتتىك نىساندى قالپىنا كەلتى­رۋى­مىز قاجەت. ەلىمىزگە بەلگىلى ءىرى كاسىپكەرلەر كومەك قولىن سوز­دى. ءبىز اقتوبە وبلىسىنا ءۇش كوم­پانيانى بەكىتەمىز. «BI Group», «ۆەرنىي كاپيتال» جانە «قازحروم» بىرگە وڭىرگە تۇرعىن ءۇي سالۋعا, ساتىپ الۋعا جانە ينف­را­قۇرىلىمدى قالپىنا كەل­تىرۋگە شامامەن 28 ملرد تەڭگە باعىتتايدى. تۇرعىن ءۇي سالۋ ءۇشىن اكىمدىك 26 مەردىگەردى انىقتادى, قازىرگى ۋاقىتتا 63 ءۇيدىڭ قۇرىلىسى ءجۇرىپ جاتىر»,  دەدى ۆيتسە-پرەمەر.

ىرعىز اۋدانىندا 54 ءۇي سالۋعا تاعى 1,5 ملرد تەڭگە «قازاقستان حالقىنا» قورىنان بولىنەدى.

سونىمەن قاتار قانات بوزىم­باەۆ اقمولا وبلىسىنىڭ اكىمى مارات احمەتجانوۆپەن سۋ تاسقىنى سالدارىن جويۋ بويىنشا كەڭەس وتكىزدى.

كەڭەسكە بيزنەس وكىلدەرى – «Verny Capital» جشس باس ديرەكتورى ايدان اقانوۆ, «Integra Construction» جشس باسشىلىعى اندرەي كيم مەن قۇدرات شاميەۆ قاتىستى. اتال­عان كومپانيالار باسقا دەمەۋ­شىلەرمەن بىرگە ايماقتى قالپىنا كەلتىرۋگە اتسالىسپاق.

اقمولا وبلىسىندا بارلىعى 1817 ءۇي سۋ استىندا قالدى, ونىڭ 359-ى اپاتتى دەپ تانىلسا, قالعان ۇيلەر جوندەۋگە بولاتىن باسپانالار ساناتىنا جاتادى.

«وڭىردەگى ۇيلەردى جوندەۋ مەن سالۋعا بارلىعى 10,5 ملرد تەڭگە قاجەت. ونىڭ 5 ملرد تەڭگەسىن  «Kaspi Bank», 1 ملرد تەڭگەسىن «RG Gold» كومپانيالارى بولەدى. الداعى ۋاقىتتا شامامەن 4 ملرد تەڭگە تابۋ قاجەت. اكىمدىكتىڭ الدىنا 15 تامىزعا دەيىن سۋ تاسقىنىنان زارداپ شەككەن اقمولا وبلىسىنىڭ بارلىق تۇرعىنى جوندەلگەن جانە جاڭادان سالىنعان نەمەسە ساتىپ الىنعان ۇيلەرگە كىرۋگە ءتيىس دەگەن مىندەت قويىلدى. جۇمىس كەستەسى بار مەردىگەرلەر انىقتالىپ, بارلىق ءتيىستى قاراجات بولىنەدى», دەدى ق.بوزىمباەۆ.

حالىقتىڭ قاۋىپسىزدىگىن قامتاماسىز ەتۋ جانە ولاردى سۋ باسقان ايماقتاردان كوشىرۋ ءۇشىن اتباسار قالاسىندا 45 پاتەرلى ەكى تۇرعىن ءۇي سالۋ جوس­پارلانىپ وتىر. سونىمەن قاتار بۇلاندى جانە جارقايىڭ اۋداندارىندا 87 جەكە ءۇي سالىنباق.

ء«بىز تج رەجىمى جاريالانعان وڭىرلەردە: كوكشەتاۋدا – 89, جارقايىڭ اۋدانىندا – 27, ەسىل اۋدانىندا – 22, استراحان اۋدا­نىن­دا – 34, جاقسى اۋدانىن­دا – 10 دايىن پاتەر مەن ۇيلەرى ساتىپ الامىز. قاۋىپسىز ايماقتا بارلىعى 182 ءۇي ساتىپ الۋ جوسپارلانىپ وتىر», دەدى اقمولا وبلىسىنىڭ اكىمى م.احمەتجانوۆ.

سونداي-اق جەرگىلىكتى بيلىك وبلىستىڭ جول جانە ينجە­نەر­لىك ينفراقۇرىلىمىن قاي­تا جاڭ­عىرتۋى كەرەك. بۇل ماق­ساتتارعا ۇكى­مەت رەزەرۆىنەن قاراجات بولىنەدى. ۆيتسە-پرەمەردىڭ تاپسىرماسىمەن اۆتوجولداردى, كوپىرلەر مەن ەلەكتر جەلىلەرىن قالپىنا كەلتىرۋ جۇمىستارى شىلدە ايىندا اياقتالۋعا ءتيىس.