استانادا 7 مامىر – وتان قورعاۋشى كۇنى مەن 9 مامىر – جەڭىس كۇنى مەرەكەلەرىنە وراي 50-دەن استام ءتۇرلى ءىس-شارا جوسپارلانىپ وتىر. ولاردىڭ اراسىندا ءتۇرلى كونتسەرتتەر, عىلىمي كونفەرەنتسيالار, مەكتەپتەردە تاربيە ساعاتتارى, قويىلىمدار بار, دەپ حابارلايدى Egemen.kz.
7, 8, 9 مامىر كۇندەرى ادامدار كوپ شوعىرلاناتىن ورىنداردا ۆولونتەرلەر تاراپىنان بليتس-ساۋالناما جۇرگىزىلىپ, قوعامدىق ورىنداردا «جەڭىس لەنتاسى» تاراتىلادى.
7 مامىر كۇنى ساعات 16:00-دە ە.راحماديەۆ اتىنداعى مەملەكەتتىك اكادەميالىق فيلارمونيادا قازاقستان رەسپۋبليكاسىنىڭ كۇش قۇرىلىمدارىنىڭ شىعارماشىلىق ۇجىمدارىنىڭ, ەسترادا جۇلدىزدارىنىڭ قاتىسۋىمەن «وتان دەپ سوققان جۇرەكتەر» اتتى كونتسەرتتىك باعدارلاما جوسپارلانىپ وتىر. وسى كۇنى ساعات 16:00-دە وتان قورعاۋشىلار كۇنىنە بايلانىستى ورتالىق ارباتتا كونتسەرت ۇيىمداستىرىلادى جانە قازاقستان رەسپۋبليكاسى قارۋلى كۇشتەرى اسكەري پاتريوتتىق وركەسترىمەن سالتاناتتى مارش وتكىزەدى.
م. گوركي اتىنداعى مەملەكەتتىك اكادەميالىق ورىس دراما تەاترىندا 7 مامىر كۇنى 18:00-دە ء«اليا» قويىلىمى وتەدى.
سونىمەن قاتار 7 مامىر ساعات 10:00-دە «بوتانيكالىق ساياباقتا» يوگادان شەبەرلىك ساعاتى ۇيىمداستىرىلادى.
قۋىرشاقتار تەاترىندا 7, 9 مامىر كۇندەرى ساعات 12:00 جانە 16:00-دە «اكەمنىڭ حاتى» ەرتەگىسىنىڭ قويىلىمى, ال 9 مامىر ساعات 18:00-دە ءا.مامبەتوۆ اتىنداعى مەملەكەتتىك دراما جانە كومەديا تەاترىندا «تىنىشتىق كۇزەتشىسى» سپەكتاكلى جوسپارلانىپ وتىر.
قىزمەت كورسەتۋ جانە تۋريزم كوللەدجىندە 8 مامىر كۇنى ساعات 11:00-دە ۇلى وتان سوعىسىنا ارنالعان ءدارىس, ال تاريحي-مادەني مۇرا ەسكەرتكىشتەرى مەن نىساندارىن ساقتاۋدى قامتاماسىز ەتۋ ورتالىعىندا 10 مامىر كۇنى ساعات 10:00-دە «ەلورداداعى قازاق حالقىنىڭ داڭقتى قىزدارىنا ارنالعان ەسكەرتكىشتەر» ءدارىسى وتەدى.
پاراليمپيادالىق جاتتىعۋ ورتالىعىندا 9 مامىر كۇنى ساعات 15:00-دە استانا قالاسىنىڭ وتىرىپ وينايتىن ۆولەيبولدان اشىق ءتۋرنيرى, ال 11 مامىردا استانا قالاسىنىڭ ۇستەل تەننيسىنەن اشىق قالالىق ءتۋرنيرى (ينتەللەكت), 10-12مامىر كۇنى ساعات 9:00-دا قىزدار اراسىندا ۆولەيبولدان اشىق تۋرنير, جانە مۇمكىندىگى شەكتەۋلى جاندار (ەستۋ, كورۋ) اراسىندا دويبىدان قالانىڭ اشىق چەمپيوناتى, «تولقىن» سپورت كەشەنىندە بايداركا مەن كانوە ەسۋدەن جەڭىس كۇنىنە ارنالعان «كوڭىلدى ستارتتار» بىرىنشىلىگى, 15 مامىر كۇنى بوتانيكالىق باقتا ەسىل اۋدانىنىڭ مەكتەپ وقۋشىلارى اراسىندا جەڭىل اتلەتيكالىق ەستافەتا وتەدى.
ال تاريحي-مادەني مۇرا ەسكەرتكىشتەرى مەن وبەكتىلەرىنىڭ ساقتالۋىن قامتاماسىز ەتۋ ورتالىعىندا 8 مامىردان 13 مامىرعا دەيىن ساعات 10:00-18:00 اراسىندا «وتان ءۇشىن وت كەشكەندەر» كورمەسى ۇيىمداستىرىلادى.
9 مامىر كۇنى باۋىرجان مومىش ۇلىنىڭ, راقىمجان قوشقارباەۆتىڭ, تالعات بيگەلدينوۆتىڭ, مانشۇك مامەتوۆانىڭ, ءاليا مولداعۇلوۆانىڭ, يۆان پانفيلوۆتىڭ ەسكەرتكىشتەرىنە گۇل شوقتارى قويىلىپ, باتىرلاردىڭ ەرلىگى ەسكە الىنادى. سول سياقتى ۇلى وتان سوعىسىندا قازا تاپقان جاۋىنگەرلەرگە ارنالعان مونۋمەنتالدى كەشەنگە دە گۇل شوقتارى قويىلادى. سونىمەن قاتار ساعات 18:00-دە «نۇرلى جول» بۋلۆارىندا جەرگىلىكتى تۇرعىندارعا ارنالىپ كاراوكە ۇيىمداستىرىلادى.
10 مامىر كۇنى ساعات 12:00-دە بالالار سۋرەت مەكتەبىندە حالىق قاھارماندارى س.نۇرماعانبەتوۆ پەن ر.قوشقارباەۆتىڭ ەرلىگىنە ارنالعان «جەڭىس جولدارى» سۋرەت كورمەسى وتەدى.
مەرەكەگە وراي, 10 مامىر كۇنى ساعات 10:00-دا سارىارقا اۋدانىنىڭ كوللەدج ستۋدەنتتەرى اراسىندا اسكەري-پاتريوتتىق ويىندارى وتەدى.
22-24 مامىر كۇندەرى تەمىرجولشىلار ەلدى مەكەنىندە ساعادات نۇرماعامبەتوۆتىڭ 100 جىلدىعىنا ارنالعان «ايبىن-2024» اسكەري-پاتريوتتىق جيىنى وتەدى.
ەستەرىڭىزگە سالا كەتەيىك, جەڭىستىڭ 79 جىلدىعىنا وراي ۇلى وتان سوعىسىنىڭ ارداگەرلەرى مەن مۇگەدەكتەرىنە, اسكەري ءىس-قيمىلدارىنا قاتىسۋشىلارعا, استانادا تۇراتىن تىل ەڭبەككەرلەرىنە بىرجولعى تولەم اۋدارىلادى.
سونداي-اق «قايىرىمدىلىق ىستەر مارافونى» اكتسياسى اياسىندا ارداگەرلەرگە ازىق-ت ۇلىك سەبەتتەرى بەرىلەدى, اۋلالارى قوقىستاردان تازارتىلادى جانە ت.ب. جۇمىستار ۇيىمداستىرىلادى.