قازاقستاندا سۋ تاسقىنىنان زارداپ شەككەن ازاماتتارعا كەلتىرىلگەن زالالدى وتەۋ جالعاسۋدا. ۇكىمەت اتالعان جۇمىستى مەملەكەت باسشىسى قاسىم-جومارت توقاەۆتىڭ تاپسىرماسى بويىنشا جۇزەگە اسىرىپ جاتىر.
رەسپۋبليكانىڭ زارداپ شەككەن ايماقتارىنىڭ تۇرعىندارى ارنايى قۇرىلعان وڭىرلىك كوميسسيالارعا ءتيىستى وتىنىشتەرىن بەرىپ جاتىر. بۇگىنگى تاڭدا 24 835 ءوتىنىم قابىلداندى.
بيىلعى 4 مامىرداعى جاعداي بويىنشا 16 168 وتباسى 5,7 ملرد تەڭگەدەن استام سوماعا 100 اەك مولشەرىندە بىرجولعى تولەم الدى. مال باسىنىڭ شىعىنى ءۇشىن بەرىلەتىن تولەم كولەمى 916 ملن تەڭگەدەن استى.
بۇگىنگى تاڭدا زارداپ شەككەن وڭىرلەردە 4 556 تۇرعىن ءۇي تەكسەرىلىپ, 2 845 نىساندا باعالاۋ جۇمىستارى جۇرگىزىلدى.
جوندەۋ جۇمىستارىن جۇرگىزۋگە جانە تۇرعىن ءۇيدى قالپىنا كەلتىرۋگە 696 ملن تەڭگەدەن استام قاراجات ءبولىندى. اتالعان كومەك 530 وتباسىن قامتىدى.
اقمولا, قوستاناي, قاراعاندى جانە پاۆلودار وبلىستارىندا تاعى 53 وتباسىعا قيراعان باسپانالارىنىڭ ورنىنا ۇيلەر مەن پاتەرلەر بەرىلدى.
زالالدى وتەۋ جۇمىستارى ۇكىمەتتىڭ قاتاڭ باقىلاۋىنا الىنعان. ەل پرەزيدەنتىنىڭ تاپسىرماسى بويىنشا بارلىق زارداپ شەككەن ازاماتتارعا جان-جاقتى كومەك پەن قولداۋ كورسەتىلەدى.