اقتوبە وبلىسى بويىنشا سۋ تاسقىنى جاعدايى بىرقالىپتى. تەك ىرعىز اۋدانىنىڭ نۇرا, بەلشەر, قۇيىلىس اۋىلدارىنا تورعاي وزەنىنەن تونەتىن قاۋىپ سەيىلگەن جوق. اۋىل ىرگەسىندەگى بوگەتتەردى نىعايتۋ جۇمىستارىنا وبلىس ورتالىعىنان اسكەري قۇرام ساربازدارى كومەككە كەلدى.
وڭىردە سۋ تاسقىنىنان زارداپ شەككەندەرگە جان-جاقتى كومەك بەرىلىپ جاتىر. 1 966 تۇرعىنعا جەرگىلىكتى بيۋدجەت ەسەبىنەن 638 ملن 862 مىڭ تەڭگە الەۋمەتتىك تولەم اۋدارىلدى. وبلىس ورتالىعىندا ۇيلەرى سۋعا كەتكەن 900 ادام جەتى جاتاقحاناعا ورنالاستىرىلدى. سۋ تاسقىنى سالدارىن جويۋ بويىنشا قۇرىلعان وڭىرلىك كوميسسيا قاراۋىنا تۇسكەن 3 227 ءوتىنىمنىڭ 2 953-ءى قابىلداندى. تاراتىپ ايتقاندا, اقتوبە قالاسىنان – 1 151 ءوتىنىم, ويىل اۋدانىنان – 350, قوبدادان 200 ءوتىنىش تىركەلگەن. وكىنىشتىسى, ۇيلەرى سۋعا كەتپەگەن, دۇنيەسى ب ۇلىنبەگەن تۇرعىندار دا وتەماقى الۋعا ق ۇلىقتى ەكەن. ساۋىردەگى سۋ تاسقىنىنان اقتوبە وبلىسىندا 2 451 ءۇي زارداپ شەكسە, ونىڭ 1 112-ءسى جەكە تۇرعىن ءۇي, 1 339 ساياجاي ۇيلەرى. جاقسى جاڭالىق, تۇرۋعا مۇلدەم جارامسىز, قيراپ قالعان 595 ءۇي قايتا سالىناتىن بولدى.
تاسقىن كۇندەرى وبلىستا 3 232 باس مال ولگەن. قازىرگى كەزدە ولاردىڭ دالادا, قورادا قالعان ولەكسەلەرى جويىلدى. اۋىل شارۋاشىلىعى جانە جەر قاتىناستارى باسقارماسىنىڭ مالىمەتىنە قاراعاندا, بۇگىندە 1 202 باس مالعا 215,7 ملن تەڭگە وتەماقى تولەندى. شارۋا يەلەرى مالدارىنىڭ سۋ تاسقىنى كەزىندە قىرىلعانىن دادەلدەۋ ءۇشىن ولەكسەسىن كورسەتۋى كەرەك. بۇعان قوسا مالدىڭ سىرعاسى بولۋى جانە اۋىل شارۋاشىلىعى بازاسىندا تىركەلۋى وتە ماڭىزدى. ونسىز وتەماقى بەرىلمەيدى.
اقتوبە وبلىسى