قۇلسارى قالاسىنىڭ سۋ باسقان اۋماقتارىنان سۋ تارتۋ جۇمىستارى جالعاسىپ جاتىر, دەپ حابارلايدى Egemen.kz.
اتىراۋ وبلىسى توتەنشە جاعدايلاردى جويۋ شتابىنىڭ مالىمەتىنشە, بۇگىندە تارتىلعان سۋدىڭ جالپى كولەمى 3 ميلليون 500 مىڭ تەكشە مەتردى قۇرايدى. توتەنشە جاعدايلاردى جويۋعا توتەنشە جاعدايلار مينيسترلىگىنىڭ, جەرگىلىكتى اتقارۋشى ورگانداردىڭ جانە وندىرىستىك مەكەمەلەردىڭ كۇشتەرى جۇمىلدىرىلدى.
«جۇرگىزىلگەن جۇمىستاردىڭ ناتيجەسىندە 2 723 تۇرعىن ءۇي اۋلاسى, 257 كاسىپكەرلىك جانە 29 الەۋمەتتىك نىسان سۋدان تازارتىلدى», دەلىنگەن جەدەل شتاب حابارلاماسىندا.