مىندەتتى الەۋمەتتىك مەديتسينالىق ساقتاندىرۋ نەگىزىندە ەل ازاماتتارى ءتىسىن تەگىن ەمدەتە الادى. ول ءۇشىن تۇرعىن شارتتا كورسەتىلگەن ساناتتىڭ بىرىنە ساي كەلۋ كەرەك, دەپ جازادى Egemen.kz kz.otyrar.kz-كە سىلتەمە جاساپ.
ءمامس ارقىلى ءتىسىن تەگىن ەمدەتە الاتىن ازاماتتار ساناتى:
بالالار; (شۇعىل جاعدايدا 18 جاسقا دەيىنگى بالالار) جۇكتى ايەلدەر; ەكىنشى دۇنيەجۇزىلىك سوعىس ارداگەرلەرى; 1, 2, 3 توپتاعى مۇگەدەكتەر; «التىن القا», «كۇمىس القا» القالارىمەن ماراپاتتالعان كوپ بالالى انالار; اتاۋلى الەۋمەتتىك كومەك الۋشىلار مەن زەينەتكەرلەر; جۇقپالى, الەۋمەتتىك ماڭىزى بار اۋرۋلارمەن جانە اينالاسىنداعىلارعا قاۋىپ توندىرەتىن اۋرۋلارمەن اۋىراتىن ناۋقاستار; ەرەكشە بالانى كۇتۋدى جۇزەگە اسىراتىن جۇمىس ىستەمەيتىن ادامدار; بالا كەزىنەن ءبىرىنشى توپتاعى مۇگەدەككە كۇتىم جاسايتىن جۇمىس ىستەمەيتىن ازاماتتار جوسپارلى ستوماتولوگيالىق كومەكتى اقىسىز الا الادى.مىندەتتى الەۋمەتتىك ساقتاندىرۋ ەسەبىنەن كورسەتىلەتىن ستوماتولوگيالىق ەمدەۋ شارالارى بەكىتىلگەن. ولار:
تۇراقتى تەكسەرۋلەر, پروفيلاكتيكالىق پروتسەدۋرالار, تىسجەگىنى ەمدەۋ, حيميالىق قاتايتىلعان كومپوزيتتىك ماتەريالداردان جاسالعان پلومبانى دايىنداۋ جانە سالۋ.اتالعان جۇيە بويىنشا الەۋمەتتىك از قامتىلعان وتباسىلاردىڭ 6-12 جاس ارالىعىنداعى بالالار ورتودونتيالىق ەمدى دە اقىسىز تۇردە الۋعا مۇمكىندىگى بار.