قاراعاندىدا جەدەل جاردەم كولىگىنىڭ جۇرگىزۋشىسىنە قاتىستى جاسالعان زورلىق-زومبىلىق فاكتىسى بويىنشا سوت پروتسەسى تىكەلەي ەفيردە كورسەتىلەدى. بۇل تۋرالى جوعارعى سوتتىڭ ءباسپاسوز قىزمەتى حابارلادى, دەپ جازادى Egemen.kz.
«قاراعاندى قالاسىندا جەدەل جاردەم جۇرگىزۋشىسىنە قاتىستى كۇش قولدانۋ ارقىلى بۇزاقىلىق جاساعانى ءۇشىن ايىپتالعان قىلمىستىق ءىس بويىنشا كەزەكتى سوت وتىرىسى قاراعاندى قالاسىندا, بۇگىن, 2024 جىلدىڭ 2 مامىرىندا ساعات 11:00-دە وتەدى», دەپ جازىلعان حابارلامادا.
سوت پروتسەسىنىڭ ونلاين-ترانسلياتسياسىن جوعارعى سوتتىڭ YouTube-ارناسىندا كورۋگە بولادى.
ەستەرىڭىزگە سالا كەتەيىك, قاڭتار ايىنىڭ سوڭىندا قاراعاندىداعى مايقۇدىق اۋلالارىنىڭ بىرىندە جەدەل جاردەم جۇرگىزۋشىسىنە شابۋىل جاسالعان. ايىپتالۋشى نۇربولات داكەباەۆ جۇرگىزۋشىنى سوققىعا جىققان. بۇل وقيعا ۆيدەوعا ءتۇسىپ قالىپ, جەلىدە شۋ شىعارعان ەدى.