قايىرىمدىلىق كەرۋەنى تولاستار ەمەس

«قايىرىمدىلىق كومەگىن جەتىسۋ جۇرتى شىن جۇ­رەك­­تەن, جاناشىرلىقپەن جىبەرىپ وتىر. يگىلىكتى ىسكە مۇمكىندىگى شەكتەۋلى جاندار دا بەلسەنە اتسالىستى. سون­داي-اق «اجار» تىگىن فابريكاسى, قازاقستان حالقى اسسامبلەياسى, قاراپايىم ادامدار دا ءوز ۇلەسىن قوستى. ءبىز وسىلاي بىرىككەن كەزدە عانا بارلىق قيىندىقتى جەڭىپ شىعامىز», دەيدى «Amanat» پارتياسى جە­تىسۋ وبلىستىق فيليالىنىڭ توراعاسى ارىستانعالي ارىن.

ال الماتى وبلىسىنان «Damu Logistics» كومپانيا­لار توبىنان دا 45 توننا گۋما­نيتارلىق كومەك كەلدى. ونىڭ ىشىندە بۇقتىرىلعان ەت ونىمدەرى, تۇرمىستىق حيميا, تاماق, بالالار تاعامى, سۋ جانە باسقا تاۋارلار بار. ء«بىز 50 ملن تەڭگەگە كەرەكتى زاتتار اكەلىپ وتىرمىز. ونىڭ اراسىندا ۆەنتيلياتور­لار, ۇتىكتەر مەن توسەكتىك-ورىندار بار. كومەككە مۇقتاج جاندار رەسمي تۇردەگى تاراتۋ ورىندارى­نا كەلىپ, كەرەك زاتتارىن الا الادى», دەيدى «Damu Logistics» كومپانيالار توبى ديرەكتو­رىنىڭ ورىنباسارى ارمان شايمەرگەنوۆ.

جالپى, كەيىنگى ەكى اپتادا وبلىسقا 1 300 توننادان اسا گۋما­نيتارلىق كومەك كەلدى. بار­­لىعى «رادۋگا» جشس قا­بىل­­داۋ ورتالىعىنا ءتۇسىرىلىپ, سۇ­­رى­پ­­تالعان سوڭ رەسمي تاراتۋ ورىن­­دارىنا جىبەرىلەدى. مۇنىڭ ۇشەۋى پەتروپاۆلدا ورنالاسسا, قالعانى قىزىلجار اۋدانىندا اشىلعان. وسى ورىنداردا قانشا اۋداننىڭ قانشا ادامى زارداپ شەككەنى تۋرالى ءتىزىم بار. قايىرىمدىلىق كومەك سوعان سايكەس تاراتىلادى. ءاربىر اۋداندا اكىمدىك تاراپىنان جاۋاپتى ادامدار تاعايىندال­عان, ولار كومەكتى ناقتى زارداپ شەك­­­كەندەردىڭ وزىنە عانا بەرۋدى ۇيىم­داستىرادى.

«Qyzyljar» اەا كوتەرگىش كراندار شىعارۋمەن اينالىساتىن رەسەيلىك «كazكran» كومپانياسى دا زارداپ شەككەندەرگە ءوزىنىڭ ازدى-كوپ كومەگىن بەردى. ولار مەديتسينالىق ورىن­دار­­دىڭ زارداپ شەككەن قىز­مەتكەر­لە­رىنە 3 ملن تەڭگە­نىڭ قاراجاتى مەن ءبىرىنشى كەزەكتە قاجەتتى زاتتارىن اپەر­دى. كوپ­بەيىندى وبلىستىق اۋرۋحا­نانىڭ باس دا­رىگەرى ساكەن ءامرين­نىڭ ايتۋى­نا قاراعاندا, تەك وبلىس­تىق اۋرۋحانانىڭ ءبىراز قىزمەت­كەرى تاسقىننان زارداپ شەككەن ەكەن. «سونداي جاندارعا ازىق-ت ۇلىك, تۇرمىستىق حيميا­لىق بۇيىمدار, توسەك جاپقىش­تار, كورپە-جاستىق ساتىپ اپەر­دىك», دەدى ول.

زارداپ شەككەن ارىپتەستەرى­نە الدىمەن اۋرۋحانانىڭ ءوز قىز­مەت­كەرلەرى ورتالارىنان اقشا جي­ناپ كومەك بەرىپتى. بۇل قا­را­جات تۇرعىن ءۇي جالداۋعا, ءدارى-­دارمەك, ازىق-ت ۇلىك الۋعا جۇم­­سال­عان. «ويقالا» اۋدانىن­دا تۇرىپ, تاسقىننان زارداپ شەك­كەن ريتا مۇقانوۆا وسى اۋرۋ­حا­نا­دا قىزمەت ىستەيدى. «ۇجى­مىمىزدىڭ باسشىسىنا ايتار العىسىم شەكسىز. وتباسىمىزدىڭ قيىن جاع­دايدا قالعانىن بىلگەن سوڭ, ول ارىپتەستەرىمنىڭ كومە­گىن جەدەل ۇيىمداستىردى. ەگەر ارىپ­تەستەرىم اقشا جيناپ بەرمەسە, ماعان تۇرعىن ءۇي جالداۋ قيىنعا تۇسەر ەدى», دەيدى ول.

سۋدا قالعان تۇرعىندارعا قا­لا­نى اۋىزسۋمەن قامتاما­سىز ەتەتىن «قىزىلجار سۋ» كاسىپ­ورنى دا قولىنان كەلگەن كومەگىن بەرىپ جاتىر. سەرىكتەستىك تاس­قىن سۋ باسقان بارلىق شاعىن اۋدان­نىڭ تۇرعىندارىن ءساۋىر ايى­نىڭ تولەمىنەن بوساتتى. ارينە, ولار وزدەرى دە اۋىزسۋدى وسى ايدىڭ الدىڭعى ون كۇنىندە, ەۆاكۋا­تسيا­عا كەتكەنشە عانا العان ەدى. بىراق سول ون كۇننىڭ اۋىزسۋى قايى­رىمدىلىق كومەك رەتىندە تۇر­عىن­داردان الىنبايتىن بولدى.

بۇكىل ەل بولىپ وسىلاي تابي­عات اپاتىمەن كۇرەسىپ جاتقاندا, «جاۋ جاعادان العاندا, ءبورى ەتەكتەن تارتادى» دەگەن­­دەي, الاياقتار دا جاتپايدى. ولاردىڭ ءبىرازى وتىرىك كومەك تىلەپ, اقشا جيناعان بولسا, ەندى باسقا قيتۇر­قىلىق­قا كوشۋى مۇمكىن دەگەن اڭگىمە شىقتى. ولار ەۆاكۋا­تسياداعى جاندارعا جانى اشىعانسىپ تەلەفون سوعىپ, ءسىزدىڭ زارداپ شەگۋشى ەكەنىڭىزدى انىقتاۋ ءۇشىن سمس ءنومىرىڭىز كەرەك دەيتىن كورىنەدى. ەگەر تۇرعىن ونى بەرىپ قالسا, بىردەن ونىڭ اتىنا نەسيە رەسىمدەپ ۇلگەرۋى مۇمكىن ەكەن. سوندىقتان پوليتسيا تۇر­عىندارعا جەكە دەرەكتەرىڭىزدى ەشكىمگە بەرمەڭىزدەر دەپ قۇلاق­تاندىرىپ ءجۇر.

سولتۇستىك قازاقستان وبلىسى